Dili, MJ- Segunda-feira 28 Outubru 2024 Sua-Eselénsia Ministru Justisa, Dr. Sérgio de Jesus Fernandes da Costa Hornai hamutuk ho Diretór Jerál Terras no Propriedades - Ministériu Justisa (DJTP-MJ), Lucas António da Costa, partisipa iha enkontru Konsellu Administrasaun Fundu Infraestrutura (KAFI) kona-bá projetu xave nasional sira ne’ebé realiza iha sala Gabinete Ministru Planeamentu no Investimentu Estratéjiku, Fatuhada, Dili.

Objetivu hosi enkontru ne’e, atu diskute kona-bá kolaborativa hirak ne’ebé esensiál bele garante Timor-Leste nia projetu estratéjiku sira la’o ba oin ho efisiente, fó benefísiu ba komunidade sira. Nune’e mós KAFE aprova fundu ba akizasaun sira ne’ebé maka IX governu planeadu.
Prezidente Konsellu Administrasaun Fundu Infraestrutura (KAFI) atuál Ministru Estratéjiku Ministériu Investimentu no Planeamentu Estratéjiku (MPIE), Gastão Sousa maka lidera diskusaun kolaborativa ne’e, marka prezensa hosi Ministru Obras Públikas (MOP), Samuel Marçal, Ministra Saúde (MS), Elia A. A. dos Reis Amaral, Ministru Transportes no Komunikasoins, Miguel Marques Gonçalves Manetelu, Ministru Juventude, Desportu, Arte no Kultura, Nelyo Isaac Sarmento hamutuk ho asesor sira no tekniku sira.