PORTUGAL, MJ-Tersa-feira 15 Outubru 2024,IX Governu Konstitusionál liuhosi Sua-Eselénsia Ministru Justisa, Dr. Sergio de Jesus Fernandes da Costa Hornai, hasoru malu ho Sua-Eselenia Ministra Justisa Portugal, Dra. Rita Alarcão Judice, iha Praça Comercio, Lisboa, Portugal.
Objetivu hasoru malu ne’e, atu hametin kooperasaun bilateral entre Ministériu Justisa Timor-Leste no Ministériu Justisa Portugál, liu-liu bá pontu importante sira iha Centro de Formacão Juridica e Judiciaria, Policia Cientifica e de Investigacão Criminal no Direcão-Geral dos Servicos de Registos e Notariado.

Iha reuniaun ba kooperasaun ne’e, oinsa fó asistensia formandu ba majistradu sira no atór justisa sira seluk iha CFJJ no CEJ, formasaun teórika, prátika no estájiu ba Defensor Públiku, Prokurador no Juiz sira, liuliu ba graduadu sira husi Kursu VII ne’ebé la’o daudaun no Kursu VIII ne’ebé sei loke iha tinan 2025.
Fó asisténsia téknika PCIC no PJ, iha disponibilidade fó asisténsia téknika hosi peritu investigasaun kriminal, laboratoriu sientifiku ba kapasitasaun iha rekursu fó asistensia humanu.

Fó asistensia IRN no DGSRN iha posibilidade ba Inspesaun no avaliasaun atuasaun téknika no administrativa husi Konservadores no notariu ba efeitu sira klasifikasaun no assistensia iha área rejistu predial, no asiténsia ba iha dizitalizasaun sistema baze dadus rejistu no notariadu, kapasitasaun ba iha rekursu humanu.
Purtantu iha serimónia hasoru malu ne’e, Sua-Eselénsia Ministru Justisa, Dr. Sérgio de Jesus Fernandes da Costa Hornai, akompaña hosi ekipa Ministériu Justisa Repúblika Demokrátika Timor-Leste.