PORTUGAL, MJ-Segunda-feira 14 Outubru 2024,Sua-Eselénsia Ministru Justisa, Dr. Sérgio de Jesus Fernandes da Costa Hornai hamutuk Diretór Polísia Sientifika Investigasaun Kriminál (PCIC sigla portugés), Dr. Vicente Fernandes e Brito, kontinua hametin lasus kooperasaun Bilateral entre Polísia Judisiáriu Portugál no Polísia Sientifika Investigasaun Kriminál (PCIC sigla portugés), Timor-Leste, iha edifísiu Polísia Judisiáriu, Lisboa, Portugál.
Objetivu prinsipál husi enkontru ne’e, atu hametin kooperasaun bá iha setór justisa liu-liu bá servsiu PCIC ninian ba iha futuru.

Iha reuniaun ne’e, hahú iha tuku 09:00 dadersaan, ko’alia mós kona-bá estratéjia sira atu hametin kolaborasaun bilaterál, troka esperiénsia no téknika investigasaun. Nune’e mós implementasaun inisiativa konjunta foun hodi hadi’a kombate krime transnasionál, krime grave, organizadu ka kompleksu iha Timor-Leste.
Nune’e Polísia Sientifika Investigasaun Kriminál (PCIC sigla portugés) Timor-Leste, bele hala’o kna’ar di’ak liu tan. Bazeia bá Vizaun no Misaun servisu profisionalismu Instituisaun PCIC ninian. Tuir kompeténsia ne’ebe atribui ba iha PCIC tuir lei ne’ebé vigoradu hodi integra ba Planu Estratejiku Desenvolvimentu (PED) tinan 2024.
Planu Estratejiku Koperasaun entre Portugal ho Timor-Leste (PEC) hosi tinan 2024 to’o tinan 2028 no roteiru reforma Setor Justisa espesial área Polícia Cientifica Investigação Criminál Timor-Leste ninian.
Purtantu iha reuniaun ne’e, Ministru Sua-Eselénsia Ministru Justisa, Dr. Sérgio de Jesus Fernandes da Costa Hornai konsidera pasu importante ida hodi hametin liutan entre nasaun Timor-Leste no Portugál, hodi destaka kompromisu hosi nasaun rua ne’e atu serbisu hamutuk kontínua hadi’a ba sistema justisa sira.