Dili, MJ- Segunda-feira 7 Outubru 2024,Sua-Eselénsia Ministru Justisa, Dr. Sérgio de Jesus Fernandes da Costa Hornai, lidera reuniaun Konsellu Konsultativa Ministériu Justisa, ne’ebé realiza iha sala Kafetaria, Ministériu Justisa, Rua Justiça, nú. 47, Colmera, Díli.
Objetivu hosi reuniaun ne’e, atu diskute kona-bá Planu Asaun Annual (PAA) tinan 2025, no mós relatóriu ezekusaun Orsamentu Jerál Estadu (OJE) tinan fiskál 2024, hosi Primeiru trimestral to’o terseiru trimestral nune’e mós relatóriu no avaliasaun atividade sira durante ne'e.
Ministru Justisa husu saida maka persiza iha momentu ne'e; Primeiru atu hare kona-ba evolusaun progresu sira hahu hosi fulan Janeiru to'o mai fulan Outubru nian.

Hahu tama fulan setembru nu’udár fulan ne'ebé tama ona bá trimestrál terseiru no lakleur tan tama bá kuartu trimestral nian. Relatóriu importante tebes, hakarak ka lakohi tenke halo sub-misaun, segundu pontu maka ko’alia kona-bá opsaun ida hosi Diresaun Gabinete Administrasaun (DGA), Diresaun Jerál Polítika Justisa (DJPJ), no Diretor Jeral sira sei ko’alia kona-bá relatóriu atividade sira.
Ministru Justisa dehan, tuir loloos fulan neen (6) Ministeriu Justisa sujeita ba avaliasaun ida, lalika bo’ot liu nune'e bele sukat forsa no frakeza sira iha servisu durante ne’e. Primeiru trimestral to'o iha segundu trimestral
Atu hare kapasidade ezekusaun Orsamentu Jerál Estadu (OJE). Tanba ha’u fiar katak, planu ne'e mai hosi kada diresaun ida-idak, jerente ida-idak duskute kona-bá programa no sub-programa liu-liu bá atividade sira no bele implementa tuir programa esensial sira hosi kada diresaun.
Relatóriu atividade sira hanesan; komemorasaun loron konsulta populár loron 30 de Agustu 2024, Ministériu Justisa realiza iha postu Administrativu Bobonaro, Munisipiu Bobonaro. No relatóriu atividade Sua-Santidade Papa Francisco vizita Timor-Leste Ministériu Justisa halo buat lubuk ida, no mós Semináriu Nasionál kona-bá terras ho tema “Rai ho nia vantajen, problema no solusaun hafoin Timor Leste ukun rasik aan hodi garantia ba dezenvolvimentu” ninian.
“Ha’u dezeja nakonu susesa, ba ita bo’ot sira, mai ita hamutuk konsolida ita nia Ministériu Justisa ho aktu servisu ne’ebé maka prosperu ba iha Ministériu Justisa no kontinua mellora ba iha futuru”

purtantu, iha reuniaun ne’e partisipa másimu hosi Diretóra Jerál Administrasaun, Dra. Octavia Celeste de Sousa Soares, Prezidente Komisaun Terras no Propriedades, Dr. Pascoal da Costa Soares, Defensor Públika Jerál, Dr. Câncio Xavier, Diretór PCIC, Dr. Vicente Fernandes e Brito, Diretór Jerál Terras no Propriedades, Dr. Lucas António da Costa, Diretór Jerál servisu Rejistu no Notariadu, Dr. Agustinho Gonçalves Viera.
Nune’e mós, Diretóra Sentru Formasaun Jurídika no Judisiária, Dra. Marcelina Tilman da Silva, Inspetór Gabinete Inspesaun Administrasaun (GIA) Ministériu Justisa, Dr. Salvador da Costa Fernandes, Diretór Nasionál sira, Xefe Unidade sira no Xefe Gabinete Ministru Justisa Dra. Albertina da Cruz Santa no mós Xefe Gabinete Vise-Ministru Fortalesimentu Institusionál, Dr. Arão Noe de A. Amaral.