Dili, MJ- Sesta-feira 4 Outubru 2024,Ix Governu Konstitusionál liuhosi Sua-Eselénsia Ministru Justisa, Dr. Sérgio de Jesus Fernandes da Costa Hornai, asina akordu ho na’in ba rai sira hamutuk uma kain lima sosa no faan hodi kontrui tratamentu Bee Foer iha Bebonuk, iha edifísiu Serviços de Registos e Notariado, Díli.
“Ha’u lori rai lulik Timor-Leste, matebian sira hotu no IX Governu Konstitusionál nia naran asina ona iha eskritura publika ida hodi bele fo konesimentu katak rai ne’e dominiu provadu asina ona ba domíniu estadu,” Ministru Justisa Dr. Sérgio de Jesus Fernandes da Costa Hornai deklara molok asina iha ambitu serimónia ne’e.
Iha asintura ne’e, sai nu’udár rekoñesimentu ba, aktu hotu ne’ebé maka halo, iha ona ninia lejizitimidade, iha ona liberdade, iha ona konsientimentu maihosi parte rua entre proprietariu no mós komprador iha aseita ba malu ona. apresia ita boot sira ne’ebé laiha koasaun ruma, laiha obrigasaun. Nune’e ba ita hotu hotu hamutuk ba eskritura publika ida.
Ministru Justisa konta, prosesu ida ne’ebé naruk, hahú kedas iha Governu anterior halo ona desijaun polítika ne’ebé hotu-hotu hakarak ka lakohi tenke kompromete atu bele fó kontinuidade ba prosesu ida ne’e.

Oinsa maka ita hare sasan sira ne’e, liu-liu akordu sira ne’ebé maka ohin ita asina estadus Amerika liu-liu Millennium Challenge Corporation ninian. ohin aktu ida ne’ebé lori ita ba iha serimonia solene ida ho livre vontade mai hosi proprietariu sira nain ba rai sira depois de liuhosi negosiasaun.
Ekipa liña ministerial sira ne’ebé maka involvidu, Ministeriu Justisa, Ministériu Finansa, Ministériu Obras Públiku, Ministériu Administrasaun Estatal, Bee Timor-Leste, E.P. Electricidade de Timor-Leste, E.P, Diresaun Jerál ba Rai ho propriedade, Diresaun Nasionál Kadastrál, Reguladór Ambientál Autoridade Nasionál Licensiamentu Ambientál, autoridade municipal Díli. No Autoridade lokál sira.
Ohin ofisialmente proprietariu sira selebra kontratu iha eskritura publika ninian hodi bele fó lejitimidade ba iha nain ka propriedade no mós ba iha governu ne’ebe maka iha interese atu sosa rai hodi nune’e bele halo eispropriesaun ka rai ida ne’e bele tama ba iha dominiu publiku hodi bele halo atividade ba iha ita nia obra ka projetu ida ne’e nian.
Tanba projetu ida ne’e, hau agradese espesialmente ba iha familia sira ne’ebé maka ho volutariamente estrega sira nia dominiu privadu ba iha dominiu publiku ka estadu para bele halo atividade sosial ba intrese ema hotu nian.
Tanba ida ne’e, hau em nome governu ba ekipa tomak hakarak agradese ba ita hotu hotu ba esforsu sira ne’ebé maka ita atu halo ohin ita bele formaliza aktu ida importante atu bele fo verasidade, atu fo lejitimidade ba iha transaksaun ka negosiasaun ne’ebé maka lao katak ohin ba oin ida ne’e ofisialmente iha ona dukumentu ofisial no hein tempu sira mai ba sira ne’ebé merese atu hetan benefisiu hosi direitu neebe sira hetan.

Proprietariu uma kain lima asina ona akordu ida ba simu pakote faan no sosa hosi Governu Timor-Leste ne’ebé maka sei uza hodi harii konstrusaun ba sítiu tratamentu Bee Foer iha área Bebonuk. Projetu ida ne’e hetan apoia finanseiru hosi Millennium Challenge Corporations. Fasilidade ne’ebé sei konstrui no jere hosi Bee Timor-Leste.
Pakote faan no sosa ne’e inklui pagamentu ba rai konstrusaun, infra-estrutura no mós plantasaun. Ho uma ka’in nain lima hamutuk osan ho montante millaun $4.8. prosesu akizasaun ne’e sei antisipa kompleta iha semana rua nia laran no antisipa uma kain sira atu hamutuk sira nia fatin to’o fulan novembru tinan ida ne’e. Governu Timor-Leste ho MCA-TL nia ekipa hala’o ona reuniaun públiku hodi diskute no informa kona-bá sítiu tratamentu Bee Foer ne’e.
Iha fatin hanesan nu’udár uma kain ida entre sira seluk, Silveiro Mau Bere deklara, hato’o ninia apoia tomak katak, ha’u prontu fornese ha’u nia rai ba governu hodi harii sítiu tratamentu Bee Foer. Tanba ne’e, sei tulun Governu Timor-Leste hodi sai diak liu.” Enfatiza importánsia hosi projetu ida ne’e, ba komunidade sira no reflete vizaun hamutuk kontribui ba nasaun Timor-Leste.

Diretór Ezekutivu MCA-TL, Embaixadór Constancio Pinto, projetu bee Saneamentu no Drainajen ida ne’e inisiativa ida ne’ebé krusiál tebes ba Timor-leste. hatan ba asuntu kritiku sira relasiona ba bee saneamentu no sustentabilidade ambiente. Liu-hosi investe ba projetu ida ne’e,Governu Timor-Leste ho MCC demostra sira nia komprimisiu ba hadiak sidadaun Timor leste nia moris no harii futuru dia ne’enbé prosperu no sustentabilidade liu
Iha sítiu tratamentu bee foer ne’e, nu’udár komponente importante ida ba projetu Bee, Sanemantu, no Drainajen, nu’udár projetu entre hosi Timor-Leste Compact ne’ebé hetan investimentu hamtuuk millaun $484 kompostu hosi $420 hosi Millennium Challenge Corporations (MCC) no millaun $64 hosi Governu Timor Leste.