Dili, MJ- Tersa-feira 1 Outubru 2024,Ministériu Justisa liuhosi Sua-Eselénsia Ministru Justisa, Dr. Sérgio de Jesus Fernandes da Costa Hornai hamutuk no Sua-Eselénsia Vise-Ministru Fortalesimentu Institusionál, Dr. Paulo dos Remédios no dirinjente Ministériu Justisa sira hotu presta omenájen da-ikus ba mate isin, António de Fátima de Jesus, molok ba halot, iha semitériu Ai-turi laran, Díli.
Ohin hamutuk ho família enlutada sira, hosi labarik, bei-oan, subriñu no subriña ne’ebé husik sira nia aman. “ita nia kompatriota ida ka kompañeiru ida, ne’ebé kleur servisu hamutuk, servisu hahú hosi restaura independensia hodi konsolida ministériu justisa iha tempu naruk nia laran.

MINISTERIU JUSTISA LAKON FUNSIONARIU DIAK IDA
Ministru Justisa konta, “ha’u hakarak relembra fila-fali katak, maske señor António de Fátima de Jesus hasoru hela situasaun ida ne’e, maibé nia hasoru ha’u sempre hatudu ninia komitmentu lealdade abnegasaun atu bele kontribui ba iha Minsitériu Justisa ne’e.”
Matebian António de Fatima de Jesus haknar-an iha Ministériu Justisa iha loron 18 fulan Juñu tinan 2001. Ho kategoria grau tékniku profesionál iha Diresaun Terras no Propriedades.
Iha tinan 2010 to’o 2012, matebian António de Fatima de Jesus assume kargu xefe Administrasaun Finansa iha Diresaun Nasionál Terras no Propriedades. Nune’e mós iha tinan 2013 to’o 2014, matebian sai nu’udár xefe departamentu Planeamentu iha Gabinete Diretór Jerál.

Tuir mai, iha tinan 2015 to’o 2017, matebian António de Fatima de Jesus assume kargu nu’udár sub-inspetor. No mós iha tinan 2023 to’o 2024, sai nu’udar xefe Unidade Protokolu no Komunikasaun Sosiál.
MINISTRU JUSTISA HATO'O SENTIDA KONDOLENSIA
Ministru Justisa hamutuk ho Vise-Minsitru Fortalesimentu Institusionál no Sekretáriu Estadu Terras no Propriedades, Diretór jerál sira no mós dirijente servisu Autónomia sira hahú hosi jardiñeiru to’o funsionáriu kuadru prinsípal Ministériu Justisa sira hato’o sentida kondolensia ba familia enlutada.
Iha loron hirak liubá kotuk, família la espera simu situasaun ne’ebé señor António de Fátima de Jesus hakotu ninia peregrinasaun iha mundu ne’e. Maibé nu’udár umanu, nu’udár fiar na’in esforsu hotu-hotu maibé desijaun fila ba iha maromak.

Ministru Justisa lori Vise-Ministru Fortalesimentu Institusionál, no Sekretáriu Estadu Terras no Propriedades, “fó hela sentida kondolensia ida ne’ebé klean ba iha oan sira na’in-9 katak, biar señor António de Fátima de Jesus mate ona. Maibé nia espiritu no obra sei konta iha Minsitériu Justisa ida ne’e,”
Ministru Justisa hato’o sentimentu tristeza, lori estrutura ministériu Justisa, lakon kompatriota ida, lakon sidadaun ida, ne’ebé durante kontribui makaas tebes ba iha dezenvolvimentu ka kontrusaun ba iha Ministériu Justisa.
Mistériu mate lori tristeza bo’ot ba família maun no bin liu-liu família uma laran rasik no kolega servisu sira tanba sei la hetan malu ona para sempre. Ohin ida-idak fila-fali ona bá mundu ne’ebé aman kriadór promete nanis ona katak, mate sira sei moris hias no moris foun sei mosu mai ne’ebé deskreve iha hau fiar.
Matebian ho naran António de Fatima de Jesus ne’ebé hakotu nia peregrinasaun iha Indonézia iha loron hirak liubá. Matebian ne’e moris iha munisípiu Ainaro, iha 16 fulan Abril tinan 1963, dadauk ne’e, kompleta ona tinan 61.