Dili, MJ- Sesta-feira 27 Setembru 2024, Sua-Eselénsia Ministru Justisa, Dr. Sérgio de Jesus Fernandes da Costa Hornai, realiza reuniaun ho Koordenadora LEGIS-PALOP+TL, Teresa Amador, iha sala Gabinete Ministériu Justisa, Rua Justiça, Nú. 47, Colmera, Díli.
LEGIS-PALOP+TL sai nu’udar fragmentu ne’e ba baze dadus jurídiku liu-liu lejizlasaun sira hotu-hotu ne’ebé maka prodús iha Timor Leste atu ema hotu-hotu bele asesu.
Objetivu enkontru Legis-Palop+TL ne’e, atu partilla ka share Legis-palop+TL nia funsionamentu direta ba konvidadu sira hotu, atu evita protesta no halo kampaña ba programa referida nune’e públiku bele hatene lala’ok husi sistema ne’e. Ho enkontru ida ne’e mós bele hasa’e númeru subskritor ba asesu sistema referida. No ikus liu hasa’e koñesimentu ne’ebé mais elevadu liu ba konvidadu sira atu asesu sistema ida-ne’e ho didi’ak.
Molok realiza reuniaun ho Ministru Justisa halo uluk diskusaun ho koordenadora LEGIS-PALOP+TL, Teresa Amador, hamutuk ho jurista sira hosi Diresaun Nasionál Asesoria Jurídiku no Lejizlasaun (DNAJL).
Nune’e Diresaun Jerál Polítika Justisa no Universitáriu sira hanesan UNTL, UCT, Ajénsia Internasionál: UNPD, Reprezentante Xefe Internasionál Organizasaun Migrasaun (IOM, sigla ingléz), Reprezentante UNICEF no Asosiasaun Advogadu Timor-Leste (OATL).
Iha diskusaun ne’e, fó oportunidade hato’o rekomendasaun no husu ba superiór másimu husi parte Diresaun Nasionál Asesoria Jurídiku no Lejizlasaun (DNAJL) no parte rejionál atu tau atensaun ho sériu ba atividade Legis-Palop+TL nune’e públiku bele entende didi’ak no mellora funsionamentu kona-bá sistema referida.
Entretantu iha reuniaun ne’e, akompaña husi Koordenadora LPTL, Teresa Amador, Diretór Interinu, Dr. Minguel MB. Fernandes no Xefe Departamentu Palop TL, Aquelina Fátima no asesor tékniku hosi Gabinete Ministru Justisa ninian.