Ministério da Justiça liu husi Direção Nacional de Direitos Humanos e Cidadania-DNDHC liu husi Chefe Departamento Direitos Humanos nebe hanesan mos Ponto Vocal Gender Ministério da Justiça nian,Dr.Nelinho Vital, hamutuk ho Secretaria de Estado para Promoção Iguladade halo observasaun ba aprezentasaun relatoriu Estadu husi Bahrain, Madagascar no El Salvador, halo observa kona ba Konvensaun Eliminasaun Forma Diskriminasaun hotu-hotu hasoru Feto (CEDAW) iha Geneva durante loron hat nian laran, 28-31 Outubro 2008.

Ponto Vocal Gender Ministério da Justiça hola parte hanesan observador ba apresentasaun relatoriu CEDAW husi nasaun Bahrain,Madagascar, El Salvador no Timor Leste rasik Iha Palai Nations, Geneva, 28-31 Outubro 2008Chefe departamento Direitos Humanos iha Minstério da Justiça ne'e hato'o ba Revista Ministério Justiça (MJ) hateten,”Durante iha Geneva, delegasaun Timor Leste nebe kompostu husi Sra. Idelta Maria Rodrigue,Secretaria Estado Promosaun Igualidade (SEPI), Sra. Madalena Hanjam, Vice Ministra da Saude, Dr. Nelinho Vital,Ponto Vocal Gender Ministério da Justiça, Sr. Abilio Belo, Gender Programa UNFPA no Sr. Jacinto Fernandes, TVTL. Durante iha Geneva, aleinde halo observasaun ba aprezentasaun relatoriu CEDAW nian, delegasaun Timor-Leste ne'e mos halo sorumutu ho intendade importante sira hanesan, Sr. João M. Nataf, OHCHR, membros Komisaun CEDAW nian,OHCHR Asia Pacific, nomos ekipa husi Human Rights Council. Aleinde ne'e, iha mos enkountro nivel entre SEPI no Vice-Ministra da Saude ho Adjunto Alto Commisario (OHCHR) nian.”

Dr.Nelinho Vital hateten,” Durante observa ba aprezentasaun husi nasaun seluk nian, fo ona hanoin ida mai Timor Leste hanesan responsabilidade nasaun nian, nomos Timor Leste sei ba hato'o kona ba Ita nia realidade nebe iha ita nia rai laran.”

Ponto Vocal Gender Ministério da Justiça nian ne'e hatutan tan,” Iha neba la'os tribunal atu halo julgamentu ba nasaun ida, maibe hanesan dialogu interativu entre Estado Parte ho Committe sira atu hare kona ba implementasaun lala'ok CEDAW nian to'o iha nebe no difikuldade sa ida maka ita hasoru wainhira hala'o implementasaun. Membru committe sira sei fo konkluzasaun no rekomendasaun ba ita nia relatoriu hodi tulun Ita atu implementa diak liu tan esperitu konvensaun nian rasik.”

Timor Leste iha tan oportunidade atu partisipa iha programa konvensaun CEDAW nian iha tinan oin mai,Timor Leste iha obrigasaun atu ba apresenta ka dialogu interaktivu iha Nava Yorke.

Chefe DH ne'e haforsa tan,”Timor Leste nebe hanesan mos Estado Parte ba konvensaun CEDAW nian,sei implementa obrigasaun hodi ba aprezentasaun ou dialogu interativu ba dala uluk ho komite CEDAW nian iha Nova Yorke,fulan Junho ou Julho tinan 2009 oin mai.Atu ita nia aprezentasaun ne'e la'o ho diak,Governo liu husi SEPI sei kria Interministerial Working Group hodi hare kona ba asuntu sira nebe relevante ho konvensaun CEDAW ne'e rasik. Working Group ne'e sei partisipa iha Moc Session kona ba modelu aprezentasaun ninian iha Timor-Leste molok atu ba iha Nova Yorke.”

Tuir informasaun nebe hetan iha tempu neba katak, Ministério nebe atu hola parte iha working group maka Ministério save sira hanesan Ministério dos Negócio Estrangeiro, Ministério da Justiça, Ministério da Educação,Ministério da Saude, Ministério do Desenvolvimento, Ministério da Agricultura no SEPI rasik.

João MP da Costa
Técnico Profisional Relações Públicas e Divulgação