Dili, MJ- Kinta-feira 19 Setembru 2024, Sua-Eselénsia Ministru Justisa, Dr. Sérgio de Jesus Fernandes da Costa Hornai hasoru malu ho Prezidente Autoridade Munisípiu Bobonaro, Alexandrino Pires, iha sala sorumutu Gabinete Ministru Justista Ministériu Justisa, Rua Justça, Colmera, Díli.
Objetivu hasoru malu ne’e, atu koordena kona-ba merkadu Maliana sei Muda ba merkadu Mau-Mali. Tanba Prezidente Autoridade Munisípiu Bobonaro, Alexandrino Pires, planeia ona atu moderniza merkadu Mau-mali, kompleta fasilidade no konstrui moru protesaun.

Ministru Justisa Dr. Sérgio de Jesus Fernandes da Costa Hornai hateten ko’alia kona-bá rai ne’ebé maka autoridade presiza atu halo dezenvolvimentu konta hamutuk ho Ministériu Justisa no Terras no Propriedade. Tanba sei halo survei, levantamentu, simplifika lisensa tuir lei ne’ebé maka estabelesidu.
Nune’e mós Prezidente Autoridade Munisípiu Bobonaro, Alexandrino Pires agradese ba prezensa Sua-Eselénsia Ministru Justisa, Dr. Sérgio de Jesus Fernandes da Costa Hornai hamutuk ho Autoridade Postu Administrativu Bobonaro, nomos komunidade Postu Administrativu Bobonaro, selebra loron konsulta popular 30 Agustu ba dala 25 iha Administrasaun Postu Bobonaro, Munisipiu Bobonaro.