Dili, MJ- Quarta-feira 18 Setembru 2024,Sua-Eselénsia Ministru Justisa, Dr. Sérgio de Jesus Fernandes da Costa Hornai akompaña Sua-Eselénsia Primeiru Ministru (PM), Kay Rala Xanana Gusmão arranka bá Nova Iorke, Estadus Unidus Amerika (EUA) hodi partisipa Simeira kona-ba Futuru iha Sesaun bá dala-79 Assembleia Jeral Nasaun Unidas (AGNU), iha Aeroportu Internsionál Prezidente Nicolau Lobato, Comoro, Díli.

Sua-Eselénsia Primeiru Ministru (PM), Kay Rala Xanana Gusmão hamutuk ho delegasaun bá Nova Iorke, Estadus Unidus Amerika (EUA) durante loron hitu, hahú hosi Domingu 22 to’o Sesta-feira 27 Setembru 2024.
Tema sesaun AGNU ba dala-79 maka “Labele husik ema ida iha kotuk: hamutuk iha asaun bá progresu dame, dezenvolvimentu sustentável no dignidade umana bá jerasaun foun iha futuru”.
"Simeira iha tinan ida-ne’e, sei halibur líder sira mai-hosi mundu tomak ho sesaun oioin sei fo oportunidade ba líder hotu-hotu inklui líder Kay Rala Xanana Gusmão atu bele halo promosaun ba interese nasionál Timor Leste nian no halo interasaun ho líder globál sira seluk,”

Sua-Eselénsia Primeiru Ministru (PM), Kay Rala Xanana Gusmão hamutuk ho delegasaun Timor Leste hanesan; Ministru Negosiu Estranjeiru no Kooperasaun, Bendito dos Santos Freitas, Ministra Saude, Elia dos Reis Amaral, Vise Ministra Assuntu ASEAN, Milena Rangel no Reprezentante Permanente Timor Leste ONU nian, Dionísio da Costa Babo Soares no delegadu ofisial sira.