Dili, MJ- Segunda-feira 16 Setembru 2024,Sua Eselénsia Ministru Justisa, Dr. Sérgio de Jesus Fernandes da Costa Hornai nu’udar Ko-Prezidente Combate ao Branqueamento de Capitais e ao Financiamento do Terrorismo (CNCBC) sigla portugés, lidera sorumutu komisaun ne’ebé realiza iha sala kafetáriu Ministériu Justisa, Rua Justiça , Nú. 47, Colmera, Díli.
Objetivu hosi sorumutu komisaun ne’e, atu aprova kestaun sira ligadu ho Timor Leste nia partisipasaun iha reuniaun Annual ASIA/PACIFIC GROUP ON MONEY LAUNDERING (APG) iha Abu Dhabi iha loron domingu 22 to’o Sesta-feira 27 Setembru tinan 2024.
Timor-Leste nia partisipasaun tinan ida ne’e, importante tebes tanba sei halo apresentasaun kona-bá Mutual Evaluation Report-MER. Apresentação MER 2024 ne’e, hanesan aprezentasaun ba dala rua nian. Hafoin aprezentasaun da-huluk iha tinan 2012.
Iha Mutual Evaluation Report-MER ne’e, atu hatudu kona-bá Timor-Leste nia komitmentu polítika no Lejizlasaun sira iha prevensaun no crime de branqueamento de capitais e financiamento do terrorismo referida. Alem de ne’e, atu ezamina mós planu asaun sira kona-bá materia sira referida.

Sua Eselénsia Ministru Justisa hateten liuhosi intervensaun, iha Mutual Evaluation Report-MER importante tebes hodi demostra Timor-Leste iha ne’ebé ona, halo saida no atu ba ne’ebé, iha assuntu kombate no prevene crime de branqueamento de capitais e financiamento do terrorismo. Timor-Leste iha ona lei lubuk ida, iha ona instituisaun sira, hanesan Polísia Invesigasaun Kriminál sira ne’ebé servisu makaas tebes ba materia ida ne'e.
Iha fatin hanesan Diretora UIF, Maria Sarmento nu’udar koordenador ba Lead Agency (equipa nacional ba responsável MER) halo apresentasaun kona-bá assunto prinsipal sira ne’ebé sei sai topiku diskusaun durante plenária APG nian hanesan establecimento ordem dos advogados, kooperasaun orgaun policia investigação criminal sira ba hasoru asaun Terrorismo , supervisão ba organização não lucrativos ho lucrativos, inclui assunto konaba casino nomos dados statistica sira.
Iha reuniaun ne’e, deside mós Governador Banco Central TL, Helder Lopes atu reprezenta Estadu Timor-Leste nu’udar Xefe delegasaun, hodi hato’o Timor-Leste nia pozisaun iha reuniaun plenária APG nian.
Assuntu seluk ne’ebé aprova iha reunião ne’e maka nomeia Señor. Benjamin husi UIF no Sr. Nelinho Vital husi Ministériu Justisa atu reprezenta Timor-Leste iha Grupo trabalho ASEAN- Anti Money Laundering and Terrorism Financial Group nian, ne’ebé sei reuni mós iha Abu Dhabi.
iha reunião partisipa hosi membro CNCBC, Ministériu Negosiu Estranjeiru no Kooperasaun (MNEK), Ministériu Públiku (MP), Policia Cientifica Invetigação Criminal (PCIC), Banco Central, Comisaun Funsaun Públika (CFP), Ministériu Interior, Comissão Anti Corrupção (CAC), Polícia Nasisonál Timor-Leste (PNTL), Unidade Indormasaun Finanseira (UIF), SERVE .IP, no mós ekipa husi Sekretariadu CNCBC.