Dili, MJ- kinta-feira 12 setembru 2024,, Sua Eselénsia Ministru Justisa, Dr. Sérgio de Jesus Fernandes da Costa Hornai, lidera reuniaun Konsellu Jerál Sentru Formasaun Juridika Judisiariu (SFJJ), iha sala kafetaria ministériu justisa, Rua Justiça, Nú. 47, Colmera, Dili.
Objetivu hosi reuniaun ne’e, atu halo afirmasaun relativamente ba polítika formasaun kontinua ba iha faze pratika, Juízes, Prokurador, Defensoria iha Portugal, ne'ebé mak ita atu realiza no konforme ba reuniaun hirak ne'ebé mak iha semana hirak liuba kotuk Sentru Formasaun Juridika Judisiariu Timor-Leste halo ona aprosimasaun ho Centru Estudus Judisiariu (CEJ) Portugal, nune’e bele kontinua formasaun, konforme tuir dekretu lei no 28/2024 konaba rejime juridiku ba formasaun no atividade iha CFJJ.
Bazea ba Dekretu lei ida ne'e, halo ona desizaun politika, hodi halo afirmasaun depois de publikasaun iha jornal repúblika, hosi konsellu pedagojika no disciplina Sentru Formasaun Juridika iha loron sanulu resin rua fulan jullu 2024, hau hanesan Ministru Justisa halo ona desizaun ida hodi hametin dispaisu konsellu pedagojika no disciplina sentru formasaun juridika Judisiariu nian.

Rezultadu faze pratika ne'ebé la’o tiha ona durante formasaun ba VII kursu ba juízes, prokurador, defensores Publiku nian ne'ebé tuir dekretu lei anterior, atu tama ba faze estagio maibe sei prolonga tan faze pratica ho objetivo atu haforsa kapasidade formandos VII kurso nian. Tanba sira hetan aptidaun atu tama ba faze estajiu nian, maibé realmente mosu dekretu lei foun no 28/2024, halo alterasaun ka ajustamentu balun, iha polítika reforma setor justisa hodi estende faze pratika to'o fulan sanulu resin rua, ba iha formasaun faze pratika ba VII Kursu ninian.
Partisipa iha reuniaun ne'e maka konselleiru sira hanesan; Dra. Angelina Saldanha, Adjunta PGR, Dr. Nelinho Vital, Prezidente do Conselho de Gestão e Disciplina da Advocacia, Dra. Marcelina Tilman, Diretora CFJJ, Dr. Vasco Xavier, Adjunto Diretor CFJJ no Helder Godinho, Coordenador do Programa do CFJJ, nebe hetan mos akompanhamento husi asesor no tekniku sira.