Dili, MJ – Kuarta-Feira, 10 Jullu 2024, Governu liu-hosi Sua-Eselénsia Ministru Justisa sai hanesan Ministru Negosiu Estranjeirus no Kooperasaun ein-ezersísiu, Dr. Sérgio de Jesus Fernandes da Costa Hornai, apresia ba reprezentante povu iha Parlamentu Nasionál ne’ebé aprova ona Proposta Resolusaun nú. 5/VI (1.ª), iha sesaun plenária extra-ordinária, Parlamentu Nasionál.
Tanba proposta rezolusaun nú. 5/VI (1.ª) — Ratifika protokolu ne’ebé altera akordu Marranquexe ne’ebé kria hosi Organizasaun Mudial Komérsiu (OMK), akordu kona-ba subsidiu Peska ho votu a-favor 57, kontra 0 no abstensaun 0.
Sua-Eselénsia Ministru Justisa sai hanesan Ministru Negosiu Estranjeirus no Kooperasaun ein-ezersísiu hateten liuhosi intervensaun katak, tratadus ne’e, defaktu Timor-Leste iha obrigasaun lubuk ida. Tanba Timor-Leste foin tama pais primeiru ne’ebé maka tama iha Organizasaun Mudial Komersiu (OMK) nune’e membru governu hotu-hotu fó ponderasaun ba asuntu ne’e.
“Ita tenke kompri ba iha intrumentu legal sira ne’ebé artikula ona iha tratadu ida ne’e nian, Timor-Leste nia dever maka presiza kria kondisoens liu-liu ba iha rekezitus ilegal sira ne’ebé atu prevene atividade illegal sira ne’ebé ho loloos,”
Sua-Eselénsia Ministru Justisa ne’e akrsenta, halo mos atividade insdustria sira ne’ebé presiza benefisiu ba iha interese ne’ebé tratadu ida ne’e nia ejizensia, Bainhira Timor-Leste atu halo saida ba iha futuru.

Ohin Sua-Eselénsia Vise-Primeiru Ministru hateten, ita presiza reinteira ida ne’e traballu kolletivu ida, ita presiza fó susesu ida ne’e ba iha Governu, atu bele fó benefisiu ida di’ak ba iha Timor Leste . Tantu iha hanoin sira ba iha politika lejislasaun ninian, projetu lei no mós dekretu lei sira para atu bele fó kontinuidade ba tratadu ida ne’e ninian.
Iha estatutu lei organika ministériu justisa mós esplika, halo alineasaun ba iha politika públiku estadu ninian, iha tratadu sira internasional atu bele fó komprimentu ba iha tratadu internasional sira ne’ebé estadu bele ratifika hodi bele fó preoridade ba iha ajensia internasionál sira atu bele fó asistensia ba iha Timor-Leste bainhira presiza.
Entretantu iha plenária ne'e, prezide hosi Prezidente Parlamentu Nasionál, deputada Maria Fernanda Lay, akompaña hosi Membru Meza sira no distintus deputadu sira, sua-Eselénsia, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, no mós ekipa tékniku sira.