Dili, MJ – Tersa-Feira 09 Jullu 2024. Sua-Eselénsia Ministru Justisa, Dr. Sérgio de Jesus Fernandes da Costa Hornai, sai nu'udar Ministru Negósius Estranjeirus no Kooperasaun ein-ezersísiu, partisipa audiénsia ho Komisaun B, ne'ebé trata asuntus Negosiu Estranjeiru, Defeza no Siguransa, iha sala konferensia, Parlamentu Nasionál.
Iha proposta ba ratifika Tratadu ida ne'e, sai hanesan pakote ida hosi Estatutu Organizasaun Mundial Komérsiu (OMK) no akordu kona-bá Subsídiu Peska sira ne'e mai ho objetivo hosi audiensia ho Komisaun B ne'e, atu elimina tiha peska ilegal, peska la iha deklasaun no peska to’o laiha regulamentu.

Ministru Justisa sai nu'udar Ministru Negósius Estranjeirus no Kooperasaun ein-ezersísiu prezensa iha audiensia ne'e, hodi diskute kona-bá Proposta Resolusaun Parlamentu Nasional atu ratifika Protokolu ne'ebé altera akordu iha Marraquexe ne'ebé kria Organizasaun Mundial Komérsiu (OMK), akordu kona-bá Subsídiu ba Peska ninian.
Entretantu iha audiensia ne'e marka mos presença hanesan sua-Eselénsia, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, Ministru da Agrikultura, Pekuária, Peska e Florestas, Marcos da Cruz, Vice-Ministra para os Assuntos da ASEAN, Milena Maria da Costa Rangel, no mós ekipa tékniku sira.