DÍLI, MJ — Tersa-feira 18Juñu 2024, Sua-Eselénsia Ministru Justisa, Dr. Sérgio de Jesus Fernandes da Costa Hornai partisipa reuniaun konvokatoriu hosi Komando Jeral PNTL ne’ebé realiza iha Quartel Jeral, Cai-Coli, Díli.
Objetivu hosi sorumutuk konvokatoriu hosi Komandu Jeral Polisia Nasionál Timor-Leste (PNTL) ne’e, atu halo atribuisaun ka konseisaun terrenu e moves ba Polísia Nasionál Timor-Leste (PNTL).
Sua-Eselénsia Ministru Justisa hateten, kona-bá halo atribuisaun ka konseisaun terrenu e moves ba PNTL, la’os de’it ba iha Quartel Jeral nian maibe, ba eskuadra liu-liu iha Kapital Díli.

“Ha’u hanoin iha razaun tanba iha hanoin lubuk ida ne'ebé Komandu Jeral dezeña tiha ona iha tempu ne'eba, apenas presiza halo kontinuidade ba fatin hirak ne'ebé mak identifikadu,” Ministru Justisa hateten.
Sua-Eselénsia Ministru Justisa fundamenta, Komissaun Terras no Propriedades servisu hamutuk ho Komando Polísia Nasionál Timor-Leste (PNTL) halo ona ezersisu identifika ona terrenu refere hodi atualiza ba intrese Komando PNTL nian.
“Ita orgullu tanba iha autoridade lokal sira nia kolaborasaun partisipasaun ba iha, hanoin bo’ot oinsa mak ita atu halo alargamentu servisu Komando PNTL iha fatin ne'ebe dignu, bele halo servisu ida mais konfortavel, nune'e bele fo atendementu ba ita nia sidadaun sira,”

Sua-Eselénsia Ministru Justisa husu sira ne'ebé karik momentu ne'e okupa fatin hirak ne'e, sira tenke kolabora ho boafe ho intensaun di’ak, kolabora ho ita nia Komandu PNTL, hanesan benifisiariu sira diresaun Terras Proriedade ho ekipa sei halo re-abertura karik ida ne'ebe uluk halo ona dispaisu maibé la konsege konklui, bele fó kontinuidade.