DÍLI, MJ Segunda-feira, 01 abril 2024,S.E. Ministru Justisa, Dr. Sérgio de Jesus Fernandes da Costa Hornai ofisiálmente hato’o diskursu iha ambitu serimónia hasa’e bandeira RDTL ba inisiu fulan Abril ninian, iha edifísiu Polísia Sientifika Invetigasaun Kriminál (PCIC sigla portugés), Cai-Coli, Díli.
Ministru Justisa ne’e dehan, kada loron ita buka esforsu atu hakonu ita nia konviksaun ida hametin ita nia integridade, hametin ita nia paisaun, ba patria no intrese komun. Sai servidor ida ezemplár, sai servidor ida ho didikasaun esklusiva, atu servi no kontribui ba ita nia rai.
“Ita merese fó omenajen no respeitu ba ita nia Saudozu Martires sira ne'ebé, ho barani fó sira nia vida ba iha perkursu luta. Ohin ita tama ba tinan 22 iha ita nia restaurasaun Independensia, iha servisu lubuk ida iha oin, ne'ebé ita sira hanesan testemuña okular ba pensamentu ita nia luta libertasaun da Patria,” nia hateten.
Ministru Justisa ne’e enkoraja ba funsionáriu sira katak, mai halibur iha fatin ida ne'e, hodi fortifika liu tan paisaun, no koezaun estadu nian, atu bele hametin liutan fiar nu’udar servidor estadu.
“Dirijente sira superior Ministériu Justisa ninian, no funsionariu tantu direita indireita, servisu autónomu sira, ita iha dever jeral no espesiál, oinsa ita bele hakonu no hametin koeziaun no prestasun servisu ne'ebé ho kualidade, profesional, ho objetivu asegura legalidade, atu nune'e, servisu ne'ebé atribui ba ita, bele iha konfiansa,” Ministru Justisa ne’e motiva.
Nia hatutan, tanba ne'e, iha okaziaun ne'e, hau hakarak fó hanoin ba funsionáriu sira hotu, atu servisu ho profesional, ho didikasaun, ho eskluzivilidade, ba atribuisaun kompeténsia ne'ebé Konstituisaun, ka lei haruka atu kaer iha servisu lor-loron.

Ministru Justisa ne’e informa, kona-ba dirijente sira loron ba loron ita bo’ot sira buka atu dinamiza, atu moderniza no fortalese oinsa ita bo’ot sira bele instrui ordem servisu ba ita bo’ot sira.
“Ita besik tama ba iha faze preparasaun Planu Anual ba tinan fiskál 2025, maibé iha ita bo’ot sira nia oin, iha responsabilidade bo’ot ne'ebé hakarak ka lakohi tenke implementa no ezekuta, liu-liu iha planu orsamentu tinan fiskal 2024 ninian. Ida ne'e deit la to'o, ita bo’ot sira presiza halo kontrolu ne'ebé la kotu, nune'e planu preoridade, programa no sub progama, kona-ba atividade ne'ebé ita bo’ot sira dezeña, iha ita bo’ot sira nia departamentu atu tuir dezeña ne'ebé ita bo’ot sira halo iha tinan sira liu ba kotuk,” nia informa.
Ministru Justisa ne’e dehan, “ita tama ona ba iha segundu Trimestral, husu ba ita bo’ot sira atu prudente liutan halo kontrolu ba programa preoridade no orsamentu, nune'e sekuénsia husi programa Trimestral bele la’o tuir dezeña ne'ebé ita bo’ot sira halo, no Ministériu Justisa dezeña tiha ona”.
Ministru Justisa hateten, mai ita konklui ita nia koeziaun, integridade, paisaun, no ita kaer ba prestasaun ida ho kualidade, nune'e halo prestasun ida ho lolos ba ita ninia sosiedade, ba ita nia sidadaun, nune'e sira bele iha konfiansa mai ita nafatin.
Ministériu Justisa ninian objetivu prinsipál tolu, ita bo’ot sira tenke kaer, Primeiru asegura sidadaun hotu-hotu nia direitu, direitu atu assesu ka hetan passaporte, direitu atu hetan arendamentu, direitu atu hetan títulu, no direitu atu hetan sertidaun sira no seluk tan.

Segundu, husu ba ita bo’ot sira atu komungga nafatin objetivu prinsipál dala rua ninian, garante sidadaun sira nian direitu, direitu saida, direitus humanus katak, halo servisu ho totalidade, esklusividade, ho prestasun ida ne'ebé di’ak, ba ita nia sidadaun sira, hodi assesu ba iha instituisaun públiku, ba hirak ne'ebé merese atu hetan direitu no protesaun ba iha direitus humanus.
Terseiru, objetivu prinsipal mak ita bo’ot sira rekoñese no atribui direitu sira ba iha direitus propriedade.
Ministériu Justisa liga ba iha direitu sira ho direitu sira oinsa atu rekoñese no atribui direitu sira, tantu iha servisu Defensória Públika, servisu Terras, Prizionais, Rejistu Notariadu, no servisu sel-seluk.
Iha orgaun Polícia Criminal neste momnento henesan sérvisu autónomo ne'ebé tutela iha Ministériu Justisa, atu bele halo politika liuliu implementasaun polítika implementasaun politika ba iha Investigasaun Criminalidade, ba Crime sira.
Nune'e mos ba, Sentru Formasaun Jurídiku Judisiáriu, atu kaer metin, halo ema sai ema, bele iha koñesimentu bele orienta iha servisu loron loron, liuliu iha Siensia, matenek no koñesimentu teknika sira, hodi hatan ba demanda preokupasaun sosiedade ninian.
“Imi ninia pasensia, sabedoria ita bele realiza eventu ida ne'e ho di’ak. Dala idatan husu ita hotu-hotu atu servisu ho ita ni-nia konviksaun ida ne'ebé maka'as ho ita ninia determinisaun ida ne'ebé mak aas tebes,”
Feliz Páscoa ba ita hotu.