DÍLI, MJ — Sesta-Feira, (23/02/2024), S.E. Ministru Justisa, Dr. Sérgio de Jesus Fernandes da Costa Hornai, Vise-Ministru Fortalesimentu Institusionál, Dr. Paulo Remédios, Defensória Públika Jerál, Dr. Cancio Xavier no dirijente defensória publika sira, akompañia Prezidente Repúblika, Dr. José Ramos Horta, iha edifísiu Defensória Públiku, Bálide, Díli.
Komisaun Organizadór simu Prezidente Repúblika, Dr. José Ramos Horta ho identidade kultura tara tais, kontinua hakat tama ba sala enkontru Defensória Públika Jerál hodi enkontru ofisiál ho S.E. Ministru Justisa, Dr. Sérgio de Jesus Fernandes da Costa Hornai, Vise-Minisru Fortalesimentu Institusionál, Dr. Paulo Remédios, Defensória Públika Jerál, Dr. Cancio Xavier no dirijente defensória públika sira
Iha vizita ne’e, mós S.E. Ministru Justisa, Dr. Sérgio de Jesus Fernandes da Costa Hornai, hamutuk ho Vise-Ministru Fortalesimentu Institusionál, Dr. Paulo Remédios no Defensória Públika Jerál, Dr. Cancio Xavier no dirijente defensór sira akompañia Prezidente Repúblika, (PR), Dr. José Ramos Horta, observa direita edifísiu Defensória Públika Jerál ne’ebé maka hasoru iha terenu.
S.E. Ministru Justisa dehan, nia hatene di’ak Defensoria Públika, hamutuk ho Defensoria Públika Jerál, ho kolega seluk. defensór sira ne’e responsabilidade atu hamutuk para haree saida maka ko’alia ho Diretor Polítika Jeral (DPJ), Adjunto ho kordenador sira para oinsa ita atu halo hodi mellora iha futuru.

Iha materia espesial sira, la’os de’it iha lei konvensional sira, lei Penal, lei sivil mais iha area Criminál sira ne'ebé iha ni-nia komplesidade, sira mos bele iha koñesimentu ida kle’an, para halo kontraditoriu, halo defeza, iha sira nia servisu, iha Defensoria Públika.
“Ami sei halo esforsu makaas atu servisu Defensoria Pública nian iha area oi-oin, liuliu Infra-Estrutura, polítika formasaun, asistensia teknika oi-oin, Asistensia tekniku presiza assesor ida ne'ebé, ho kualifikasaun ne'ebé aas hodi mai tulun sira, halo interpretasaun, halo analiza ba iha lei sira, bainhira sira iha dúvidas, sira bele iha troka. Nune’e ida ne'e atu halo dezeña hamutuk ho sira kona-ba politika formasaun sira,”