DÍLI, MJ— Kinta-Feira, (22/02/2024), S.E. Ministru Justisa, Dr. Sérgio de Jesus Fernandes da Costa Hornai kontinua partisipa konferénsia Public Finance Management Oversight (FMPO) ne’ebé realiza iha Otél Timor, Kolmera, Díli.
Iha konferénsia ho naran Public Finance Management Oversight (FPMO) ne’e hakerek katak, “ Osan Povo Nian no Jere ho Diak,”
S.E. Ministru Justisa, Dr. Sérgio de Jesus Fernandes da Costa Hornai hateten, “União Europeia hamutuk ho parseiru sira hotu. Ekstremamente importante loos bele hetan parseiru ida hosi União Europeia ho naran Public Finance Management Oversight (PFMO), ne'ebé maka identifika planu estratejiku dezenvolvimentu nasionál iha area setor Justisa nian, area iha planu estratejia setor justisa, atu halo konsolidasaun ba iha Administrasaun justisa ida konsolidadu, iha Estadu Direitu Demokrátiku Timor-Leste".
“Ohin ita nia tribunál sira iha ona nosaun ida di’ak, iha formasaun sira, ne'ebé sira nia kuadru sira, tantu iha rai laran no mós rai liur, iha Portugal iha area oioin atu bele konsolida ita nian Estadu Direitu Demokrátiku Timor-Leste,”
S.E. Ministru Justisa, Dr. Sérgio de Jesus Fernandes da Costa Hornai infroma, “ita hotu iha responsabilidade atu garante no asegura programa IX Governu reinteira ka halo abordajen ba programa tinan lima (5) ninian”.
“Responsabilidade importante la halimar ita konsolida, mais para ida ne'e, ita presiza kuadru sira ida experiente, profesionál iha area hotu-hotu hodi halo prestasun ida ne'ebé mak paz, halo servisu ida efisiente atu hatan ba iha preukupasaun povu ninian,”
S.E. Ministru Justisa, Dr. Sérgio de Jesus Fernandes da Costa Hornai ne’e hatutan,
Programa lubuk maka sai alvu ita ninian dezenvolvimentu setor hotu-hotu, espesialmente iha area justisa.

Iha instituisaun Indenpendente, orgaun konstitusional sira hanesan, tribunais, prokurador, orgaun Polísia Criminál, (PCIC sigla portugés), Komisaun Anti Korupsaun (CAC sigla portugés), no Inspektur Jerál estadu ne'ebé, sai hanesan instituisaun importante hodi konsolida ita nia direitu ida ne'e, ba iha jestaun ida ne'ebé di’ak, Administrasaun justisa ida konsolidadu.
Ita iha Profesor lobuk oan ida, ita iha ajénsia koperasun ne'ebé konstitui iha PFMO nian, ita hetan ona uzufrui, e ita timor oan iha obrigasaun atu bele kaer ho responsabilidade para bele halo servisu ida konsolidadu.
Ita hahú ho situasaun ida difísil mais esforsu PFMO nian, bele unifka ita iha abordajen ida katak' ita nia intensaun ba iha, oinsa instituisaun estadu ninian, jerente sira kargu titular sira nian ajente operador sira estadu, haree Osan Povo Nian no Jere ho Diak “responsabilidade”
Oportunidade sai nu’udar titular, oportunidade sai nu’udar kargu ajente responsável iha instituisaun sira' maibe ita iha responsabilidade atu bele simu matenek ne'ebé PFMO transfere mai ita.
S.E. Ministru Justisa, Dr. Sérgio de Jesus Fernandes da Costa Hornai lori IX Governu Konstitusionál liuhosi Ministériu Justisa, reinteira katak' la’os ita hakotu ita nia servisu missaun ida ne'e, maibe ita bele halo projesaun ba oin atu bele metin liu tan ho apoiu União Europeia, Embaixada Portugal, komunidade Portugues nian.
“Bele hametin liutan reforsu ida ne'ebé makaas liu, atu bele lori trasa ba konfiansa mai ita nia komunidade, Justisa ida efisiente, afikas, justu ba timor oan, no sidadaun sira ne'ebé iha fronteira, iha residensia mai hela iha ita nian rai doben Timor-Leste,”