DÍLI, MJ— Kinta-Feira, (22/02/2024), S.E. Ministru Justisa, Dr. Sérgio de Jesus Fernandes da Costa Hornai, hala’o reuniaun ho International Finance Corporation iha Timor-Leste, iha edifísiu Ministériu Justisa, Bairru Liceu, Díli.
S.E. Ministru Justisa, Dr. Sérgio de Jesus Fernandes da Costa Hornai ne’e informa, ein-prinsipiu nia agradese ba delegasaun instituisaun organizasaun ida ne'e, International Finance Corporation (IFC) ne’e importante tebes.
Governante ne’e argumenta, la’os iha mandatu IX Governu Konstitusionál de’it, maibé ba iha instituisaun estadu Timor leste nian. “Ha’u hanoin instituisaun sira importante loos atu fó asisténsia teknika ba politika estadu ka Governu nian, iha relasionamentu kona-ba politika finansiamentu públiku estadu nian. Prontu ha’u laiha dúvidas, ita nia stockholder barak bele kontribui ba ita nia konsolidasaun, Administrasaun, ekonomia iha kurtu no longu prazu nian”.
S.E. Ministru Justisa, Dr. Sérgio de Jesus Fernandes da Costa Hornai dehan nia tenta atu komprende setor rua importante loos, hanesan setor publiku no privadu. Halo oinsa maka ita bele troka ne’ebé ita bele halo reforsa sira iha politika publiku Estadu ho Governu nian.
“Ha’u nia polítika hanesan Governu, oinsa maka atu haree law impeachment, no politika ba rai, atu halo atribuisaun ba setor privadu sira, ita bele iha intendendementu ida hanesan ba kontratu ka arendamentu sira. Ita iha lei kona-ba domíniu publiku estadu, ita iha lei sira estruturante atu hare kona-ba lei dominiu privadu, ita iha mós lei investimentu estranjeiru, lei investimentu domestika,”

Entretantu, The International Finance Corporation, David Freedman dehan, presiza governu regulariza maibé tenke fó seguransa insentiva ba iha setor privadu sira. Tanba ami hatene diak setor privadu maka fó kampu traballu, hamoris ekonomia, no hamoris Dezenvolvimentu ida sustentável.
“Ha’u pronto atu koopera ho organizasaun finanseiru ba iha prespetiva ida atu fomenta ba Governasaun ida ne'ebé di’ak. Ami husu enkontru Ministru Justisa ba dahuluk atu fó parabeniza ba Sua-Eselénsia Ministru Justisa, Dr. Sérgio de Jesus Fernandes da Costa Hornai ne’ebé foin simu pose hosi Prezidente Repúblika, Dr. José Ramos Horta iha loron hirak liuba,”.
Objetivu reuniaun Ministru Justisa ne’e, atu koopera Ministériu Justisa no Ministériu sira seluk,  hosi hadia di’ak liutan ambiente setor privadu sira iha Timor Leste. Nune’e atu atualiza servisu ne'ebé la’o hela iha setor habitasaun, liu-liu ba iha dezenvolvimentu habitasaun, atu buka prespetiva husi Sua-Eselénsia Ministru Justisa, Dr. Sérgio de Jesus Fernandes da Costa Hornai oinsa ba futuru prosesu rekezitu hodi asegura rai privadu no bele estadu utiliza ba dezenvolve habilitasaun ne’ebé kualidade, asesu ba finansiamentu ba iha setor privadu sira.
The International Finance Corporation, David Freedman esplika The International Finance Corporation, David Freedman, iha ita bo’ot nia missaun hodi kria ambiente ne'ebé bele favorese ba dezenvolvimentu setor privadu kona-ba ba legalidade sira ne’ebé maka iha nesesidade.