DÍLI, MJ — Segunda-Feira, (19/02/2024), S.E. Ministru Justisa, Dr. Sérgio de Jesus Fernandes da Costa Hornai, simu vizita hosi reprezentante Ministériu Justisa Japaun ninian, liuhosi xefe reprezentante Japan International Cooperation Agency (JICA), Señor Yito Membe hamutuk ho delegasaun, iha edifísiu Ministériu Justisa, Bairru Liceu, Díli.
S.E. Ministru Justisa, Dr. Sérgio de Jesus Fernandes da Costa Hornai informa, dahuluk Ministru Justisa hato'o agradese ba kooperasaun Japan International Cooperation Agency (JICA), iha Timor-Leste.
“Governu no povu Japão tomak, ne'ebé inisia prinsipiu Timor restaura ninia Independensia, sempre hamutuk ho povu Timor-Leste,” Ministru Justisa hateten.
Ministru Justisa ne’e, lori IX Governu Constitucional nia naran liuliu Ministériu Justisa, hakarak reiteira prontidaun, atu bele halo koopera ho Japan International Cooperation Agency (JICA), ho Governu Timor-Leste, liuhosi Embaixada Timor-Leste atu bele reforsa ida metin liuliu, iha setor Justisa.
Ministru Justisa ne’e argumenta, iha progama konkretu lubuk ida hahú kedas husi governu anterior oinsa maka atu bele haree politika estratejika, setor justisa nian halo parseria ho Governu Japaun liuliu ba iha The International Cooperation Department  (ICD) Japaun nian. Tanba projetu lei sira, ba arbitrajen, mediasaun no lei kona-ba droga sira, lei estruturante importante setor Justisa iha Timor-Leste.
“Timor-Leste kompromitidu atu bele hatuur prinsipiu resiprosidade ida ne'e, komunga prinsipiu resiprosidade no asisténsia ne'ebé husi povu no governu Japaun, atu halo fortalesimentu ba iha setor Justisa liuliu iha asistensia tekniku ninian,”
Tantu iha lei estruturante organizasaun halo revizaun ba iha planu estratejiku ba iha setor justisa, halo kooperasaun ida ho orgaun Polísia Kriminál ninian, krime sira organizadu, iha vizaun ba iha Japaun nu’udar fundador estadu ida.
Iha tinan 1962, hola parte iha orgaun Polísia Kriminál, hanesan mós Comisaun Anti Corupsaun (CAC sigla portugés), Orgaun Polísia Kriminál sira seluk no Ministériu Públiku.

Ministru Justisa esplika, progama IX Governu Konstitucional nian hanoin, xefe reprezentante Nasaun Diretór JICA, Señor, Embaixador, ajénsia kooperasun seluk Japaun ninian akompañia di’ak.
“Ita hakarak halo haforsa ba iha justisa, iha paz, estabilidade, iha demokrasia, fó konfiansa ba sidadaun sira pelu menus iha konfiansa moris iha Estadu Repúblika Demokratika Timor-Leste. Tanba setor importante tebes mak atu halo reforma konveniente ruma.”
“Ami hasoru dezafiu lubuk ida, ami hasoru liuliu iha lejizlasaun ba  Diresaun Terras e Propriedades, maibé presiza konsolida ami nia Komisaun sira nia servisu atu bele halo, servisu ida ho integradu, dignu no responsabilidade,”

Tanba ne’e, Ministru Justisa konta, nia experiénsia iha Osaka, kona-ba oinsá atu haree mediasaun no arbitrajen, ba iha disputa sira kona-ba rai, halo konsolidaasaun, mediasaun liuliu iha disputa kona-ba rai. “Tanba ne’e, ami hakarak foti esperiénsia husi Japão nian”.
“Ha’u hateten lori Governu Timor-Leste nia naran, iha IX Governu Constitucional  Setor Justisa, Señor, Yito Membe hanesan Country Diretor ba JICA. Ho delegasaun ami nia hakuak boot ba iha ha’u nia homólogo Sr. Ministru iha Japaun katak, ami reinteira absolutamente ba iha koperasun ne'e.”
“Ami hakarak asisténsia téknika ida konkretu liuliu, lejizlasaun balun, no iha Terras e Propriedade ne'ebé sai retornu. Maibé por outro lado, sai mós hanesan problema sira situasional balun, atu bele atrai investimentu nasionál ba ema estranjeiru ba setor interesse privadu nian.
Profesor señor, xefe delegasaun ba The International Cooperation Department (ICD) ninian. Ohin destaka Ministériu Justisa iha prontidaun loos, atu koopera teknikamente. Ita nia forsa traballu konjunta ne'ebé ita halo, hahú hosi tinan 2009, mai 2024 to'o iha ne'ebé.
“Politika lejizlasaun ninian ita alkansa ona agora tama iha faze implementasaun, no halo, reforsa sira iha koñesimentu operador sira iha terrenu, maibé ha’u hakarak reiteira katak nakloke atu halo diskusaun ida kle’an no fó apresiasaun ba iha aplikasaun formasaun sira ne'ebé atu halo ba Komisaun Terras no ba Centro Formação Jurídico”.
Entretantu, reprezentante Ministériu Justisa Japaun, kompostu hosi, xefe reprezentante Japan International Cooperation Agency (JICA), Mimpei Ito, Phiroshi Suda, MOJ ICD, Yutaka Arakawa MOJ ICD, Shoichi Hara, MOJ ICD, Mashin Yaguch MOJ ICD, Jose Riomento JICA P.O. no akompanha husi Diretor Jeral Politika Justisa Dr. Fláviano Moniz Leão, Diretor DNHJL Nelinho Vital no Assessora teknika Gabinete Ministru Justisa, Dra. Madalena Carlos Pereira.