Iha Kinta-feira, 15 Fevereiru 2024 Komisaun Terras Propriedade Realiza Formasaun ho UNDP no JLA iha Centru Formasaun Judisial no Juridiku (CFJJ) Caicoli-Dili.
Komisaun Terras Propriedades hamutuk ho parseiru Internasional UNDP haforsa Rezolusaun Disputa Alternativa kona-ba Rai, halao formasaun no diskusaun ho CTP durante loron rua, ne’ebe fornese husi parseiru UNDP, JLA, Advogadu no Konsultores, Lda. hodi kria padraun prosedimentu operasionál (SOP), Kodigu etika no Pratika Mediasaun ba Mediador sira ne’ebe prepara no dezenvolve husi JLA baseia ba dektetu Lei 5/2020 “organizasaun funsionamentu Komisaun Terras no propriedade nian” no Lei no 13/2017 “Regime Espesial ba Definisaun Titularidade Bein Imovel” ba prosesu desizaun administrativu husi Komisaun atu promove no hametin prosesuais ba rezolusaun disputa hodi rezolve sidadaun sira nia disputa ho Justu no dignu.

Abertura ba formasaun ne'e partisipa husi Reprezentante Rezidente UNDP, Sra. Adeline Carrier, Prezidente Komisaun Rai no Propriedade, Dr. Pascoal da Costa, Parseiru Jestaun JLA, Dr. Lucasno Ribeiro Alkatiri, Komisario Francisco Borges, Komisario Sergio Manehat, Komisario Julio Mota, Komisaria Belmira Fernanda, Komisaria Sidalia Rodrigues, Sekretariu Ezekutivu, Celito Cardoso,no funsionariu CTP.
Formasaun ne’e atu partilla kona ba padraun prosedimentu operasionál (SOP), Kodigu etika no Pratika sira inklui mos oinsa komisaun bele kria regulamentu internu fasilita servisu prosesuais iha Komisaun hodi fasilita komisaun ba desizaun administrativa husi Painel Arbtital, atu nune’e bele halo servisu ho efetivu no efikasia.

Durante formasaun loron 2, iha modulu 7 ne’ebe aprezenta husi fasilitador ne’ebe relevante ho servisu komisaun, hahu husi enkuadramentu legal to’o monitorizasaun no avaliasaun, iha mos faze diskusaun ba estudu Kazu ne’ebe komisaun hasoru iha servisu diaria, no medida atu rezolve kazu sira ne’e ho dalan legal no justu.
Disputa rai hanesan problema ne’ebe komum, liu husi formasaun ne’e atu mellora no kapasita servisu komisaun ba iha atendimentu publiku, atu atende sidadaun hotu- hotu ho igualidade no gratuita, asesu ba justisa, hodi kontibui ba dezenvolvimentu iha Timor-Leste no promove Paz no Estabilidade.