Dili kuarta loron 22/11/23: S.E. Ministru Justisa Dr. Amândio de Sá Benevides, simu no enkontru ho Membru Konsellu Fiskal, Sr. Rui Pereira dos Santos ho Ekipa.
Ba da-huluk Diretora Executiva, Sra. Maria Fátima Pereira Gutierrez, hato'o agradese ba possibilidade tanba Sr. Ministru bele fo'o biban, atu fahe preukupasaun balu ne'ebé ami hanoin presiza mos hetan konsiderasaun, no karik diak atu bele toma mos, ami nia pontu Importante sira. Pontu (3) importante Fokupers hanoin atu fahe mós ba Sr. Ministru kona-ba preukupasaun balu, durante ne'e Sr. Ministru ha'tene katak' nia misaun prinsipal maka, atu fo'o atendimentu protesaun ba vítima sira, husi violência bazeia ba jeneru, ami mos iha uma mahon, eskritoriu ne'ebé halo atendimentu, sai hanesan odamatan entrada hodi simu vítima sira.
2). iha momentu ida ne'e preukupasaun ne'ebé ami iha, kuaze ba asuntu Tráfiku Umanu, ne'ebé iha PCIC sira bai-bain refere ba Fokupers, uluk MSSI rezerva orsamentu oituan suporta, PRADET ne'ebé hare'e vítima sira, agora MSSI ha'tene katak KLATU nia eziste, entaun la rezerva ona orsamentu ba ida ne'e, ho nune'e PRADET mos la'bele simu ona vítima Tráfico Umanu, dalan ikus sira tenke refere mai Fokupers. Ami nia kestaun dala ruma alokasaun orsamentu, tanba ita hatene dala ruma vítima Tráfico Umanu sira mai, la konsidera sira nia an hanesan vítima, entaun sira nia tratamentu mós espesifik, ami la'bele tau hamutuk vítima sira violência bazeia ba jeneru.

Ida tan mak uluk iha Governo anterior, Fokupers konsege estabelese kooperasaun ida entre Ministériu Justisa liu husi Diresaun Rejistu Notariadu ho fokupers, atu bele fasilita hela vítima sira nia dokumentu, atu tulun sira ba iha prosesu legal no la'barik sira atu fila ba eskola, entaun ba vítima sira ne'ebé laiha sertidaun RDTL no sertidaun moris, liu-liu bebê sira moris iha uma mahon ou labaik ki'ik sira ne'ebé iha uma mahon Fokupers, nune'e notariado bele fasilita hela dokumentu legal la presiza ho kriteria, tanba vítima balu inan ho aman laiha, sira ho violensia sexual, insestu la presiza mai ho dokumentu komplikadu, maibe ita bele kompleta deit. Foin da'dauk tinan ida ne'e mak iha prosesu legal balu mak presiza tan dokumentu, maibe fila fali ba mak sira dehan, oh ida ne'e Governo anterior nian, agora tenki iha tan rekonhesimentu husi Sr Ministru.

Sorin seluk Diretor Jeral Polotika Justisa (DJPJ) hanesan mos Prezidente ba Komisaun konaba tráfiku de pessoas (Comissão da Luta Contra o Tráfico Humano) Dr. Fláviano Monis Leão ha'tete, Komisaun ida agora ne'e klaru katak membru komisaun iha reprezentante husi sosiedade civil ida maka, Dtra JSMP, suplente maka alfela, entaun aktividade liga ho Uma Mahon nian ne'e, nafatin iha vítima feto sira, iha alfela maka toma konta.

Fatin hanesan Sr. Ministru dehan hau hanoin presiza kria nafatin diskusaun fulan sira mai ne'e, molok atu ba ezekusaun orsamento 2024 nian, liu-liu hare'e atu apoiu ba vitima, depois diskuti ho KLATU para hare'e tok, tanba regras finansiamentu finansas publika nian, mak la fó ona dalan para atu halo transferénsia, Di'ak liu maka reprezentante rua husi sosiedade civil, halo reuniaun karik bolu mos Uma Mahon, PRADET hodi koalia fahe informasaun, atu oinsa mak ita bele apoiu husi liu sosializasaun ne'ebé mak sira bele halo, ita bele finansia, hau hanoin ne'e mos tenke presiza diskusaun ita ho komisariu sira, Importante mak tenke halo diskusaun para ita bele hare'e oinsa.

Ekipa Membru Fiskal kompostu husi, Sr. Rui Pereira dos Santos, Diretora Ezekutiva, Sra. Maria Fátima Pereira Guterres, Vise-Diretora, Sra. Domingas Afonso Amaral, Ofisial Legal, Sra. Vilfrida Macado Fernandes no Konsellor, Sra. Guiomar Caldes Ferreira.
Sorumutu realiza iha sala enkontru Gabinete Ministru Justisa Rua Colmera Díli, no akompanha husi, DJPJ Dr. Fláviano Moniz Leão, Xefe Gabinete Sr. Albertina da Cruz Santa.