Vantaa, Helsinquia-Filandia, loron 9 fulan Agostu 2023.
Ministru Justisa, Dr. Amândio de Sá Benevides, partisipa iha vizita trabalho iha Finlândia ho objetivu atu halo Aprovasaun final ba kaderneta passaporte eletroniku (e-Passport) ne’ebe altera design segurança tuir regras ICAO, atu nunee fo instrusaun ba Compañia internacional Thales Group no Visimitra Unip. Lda, hodi hahu halo produsaun ba Caderneta Passaporte Eletroniku TL nian iha tinan fiskal 2023. Iha faze ida nee tarefa principal mak verifikasaun no validasaun final ba intaglio, (impresaun em relevo de seguransa iha pajina interior ne'ebe sei mosu iha cover caderneta e-Passport Timor-Leste nian).
Iha enkontro nee ba Faze Aprovasaun Final, Ministro Justisa aprova tan dokumentu suporte ne'ebe fo justifikasaun konaba mudansas iha Kaderneta refere hodi nune'e, bele manda ba border control ka servisu imigrasaun no kontrolu fronteiras nasaun hotu-hotu hodi fasilita pasajem sidadaun TL sai no tama TL ka nasaun sira seluk.
Manager ba departamentu produsaun Passaporte Eletroniku husi Thales Group, Head-Office iha França, Sra. Eng. Estafany Borger, explika katak' konaba rezultadu servisu hamutuk Ekipa Diresaun Geral Servisu Registos e Notariado desde dia 1/8/2023, hamutuk ho Ekipa produsaun kaderneta passaporte eletroniku ba segunda gerasaun husi Kompañia Thales nian ne'ebe hatudu rezultadu excelente tebes hodi nune'e, Ministru Justisa bele verifika no halo aprovasaun final hanesan aseitasaun ba blue print( cetak biru) ka prototipo kaderneta, hodi bele hahu print 73.150 cadernetas fazeadamente. Faze da-huluk sei print 16.000 kaderneta passaporte Comum, depois 57.150 kaderneta sira seluk tuir kedas, hodi bele haruka ba Timor-Leste entre fim-de-semana fulan Setembro too fulan Outubro 2023.
Aprovasaun final no Assinatura ne'e realiza iha Finlándia, no akompanha husi Ekipa tekniku Diretor Jeral Servisu Rejisto no Notariado, Chefe Departamento Informasaun no Tecnologia (IT) tekniku ida, no Diretor ba Assunto Konsular no Komunidade Timorense husi MNEC.
Destaka mos katak durante Ministro Justisa ninia vizita de trabalho iha Finlândia-nasaun rejiaun Nórdico nee, Embaixador Jorge Camões, ne’ebe tau matan ba interesses TL iha União Europeia, Reino da Belgica, maka akompanha no fo asistensia, ho marka prezensa mos hosi Embaixador não-rezidente ba Alemanha, Luxemburgo, Repúblika Checa no dezignado ba França no Polónia ba Vantaa, Helsinki-Finlandia.

#Media Gabinete Ministru Justisa#