Sekretáriu Estadu Terras Propriedades (SETP) Jaime Xavier Lopes, iha loron 03 fulan-Agostu 2023 foin lalais neé hala’o ninia vizita servisu ba iha Diresaun Terras Propriedades (DTP) Munisipiu Dili, Dirsaun Nasional Informasaun no Geoespacial (DNIG) no Diresaun Nasional Servisu Cadastrais (DNSC) hodi haree direta servisu funsionáriu sira nian.
Durante Vizita Sekretáriu Estadu nian ba Diresaun Terrras Propriedades Munisípiu Dili, husu ba dirijente no funsionáriu sira, atu mantein servisu no hodi bele hatudu prestasaun servisu ne’ebé di’ak hanesan funsionáriu Estadu nian.

Hanesan membru governu nia husu mós ba iha dirijente sira hodi bele haree funsionáriu sira nia pontualidade, nune’e mós husu ba funsionáriu sira oinsá mak bele fó atendementu ne’ebé di’ak ba iha sidadaun sira.
Hafoin vizita DTP Dili, SETP hala’o mós vizita ba iha Diresaun Nasional Servisu Cadastrais no Diresaun Nasional Geoespacial hodi haree besik liu tan servisu funsionáriu sira nian iha diresaun refere.
Hafoin dadalia ho funsionáriu sira, membru IX Governu Konstitusional ne’e haree mós kondisaun server ba dadus sira ne’ebé mak Projetu Sistema Nasional Cadastro (SNC) entrega ba Governu liuhosi Diresaun Geral das Terras e Propriedades avaria tanba AC la premite.

Haree ba server ne’ebé ba aseugra dadus rai nian ne’ebé avaria, SETP husu ba Tékniku Informátika no Diretór Nasional tenki identifika hodi bele relata ba iha Ministériu nune’e bele solusiona hodi bele hadi’ak, tanba buat hotu presiza tau iha planu orsamentu kada instituisaun nian.
Hanesan membru Governu, Jaime husu ba dirijente no funsionáriu sira tenki pontualidade iha servisu, nune’e mós tem de fó atendementu ne’ebé mak di’ak ba iha sidadaun sira ne’ebé presiza diresaun nia tulun.
Hafoin SETP ba haree direta server ne’ebé avaria, Diretór Nasional Informasaun no Geoestasial, Paulino da Cruz hateten, durante ne’e sidadaun sira, liu-liu ba rai hirak ne’ebé antes ne’e ekipa tékniku Sistema Nasional Cadastro (SNC) hala’o ona levantamentu, tékniku sira labele haree e labele atende tanba proviszoriu Sistema sei avaria.*