Sekretáriu Estadu Terras Propriedades Jaime Xavier Lopes, iha loron 31 fulan-Jullu 2023 foin lalais ne’e marka ekontru ho Primeiro Secretario no Consul, hosi Embaixada Australia iha Timor-Leste Sr. Richard Fahey hodi ko’alia kona-bá futuru instalasaun Edifisiu Emaixada Australia nian.
Iha enkontru ne’ebé hala’o hosi Secretariado Estado Terras e Propriedades (SETP) ho Secretario no Consul, hosi Embaixada Australia ho ekipa ne’e bazeia ba audénsia ne’ebé antes ne’e embaixada Australia submete mai iha Gabinete SETP nian.
Hafoin hasoru malu Sekretáriu Estadu Terras e Propriedades hato’o agradesmentu ba Richard no ekipa ne’ebé mak fó tempu hodi mai hasoru Secretariu Estadu. Haree bapedidu ne’ebé mak hato’o hosi Embaixada Australia nian ne’e sei relata ba Ministro Justisa, no kordena mós ho Ministeriu Negosiu Estrangeiro e Koperasaun (MNEC) atu bele haree no halo estudu.
Membru IX Governu ne’e hateten, atu hetan aprovasaun ba pedidu ne’e tenke informa mós ba Konsellu Ministru hodi hein desizaun ne’ebé Governu Timor-Leste sei desidi, memzmu embaixada Australia konsidera assuntu refere hanesan assuntu urjensia, maibé dezisaun sei kordena ho Ministro Justisa no sei tuir prosedimentu sira no prosesu ne’ebé mak vigór.

Iha sorumutuk ne’ebé hala’o iha Gabinete SETP nian ne’e ho objetivu oinsa mak parte Terras Propriedades nian atu bele halo identifikasaun no levantamentu ba rai mamuk hodi bele konstru futuru Embaixada Australia iha Timor-Leste.
Iha biban ne’e, Embaixada Australia liu-hosi Primeiro Sekertáriu no Consul, Richard Fahey husu ba SETP atu bele buka rai mamuk hodi bele konstrui futuru embaixada Australia nian iha Timor-Leste.
Haree ba volume servisu embaixada Australia nian iha Timor-Leste ne’ebé aumenta no boot halo espasu embiaxada nian la sufisiente tanba labele akumula ho nune’e Embaixada
Australia husu ba Secretariado Estado Terras e Propriedades atu bele haree rai mamuk nune’e bele estabelese konstrusaun ba Embaixada Australia iha Dili.

Nia subliña mós, haree ba serbisu ne’ebé Australia hala’o iha Timor-Leste komesa aumenta hanesan, Projetou Cabo Marino, Espansaun Pista Aeroporto Presidente Nicolau Lobato Dili, no projetu sira seluk tan ho nune’e, Governu Australia husu atu bele iha espasu ne’ebé mak atubelekontrui embaixada nian. 
Konsuladu ne’e hateten, iha tempu badak ekipa Propriedades Australia nian sei mai, tanba sira hakarak haree hodi halo survei hodi bele identifika hodi bele fasilita ekipa tékniku iha Canberra hodi bele prepara deseñu futuru Embaixada Australia nian iha Dili, Timor Leste.

Tuir Richard oras ne’e daudaun Australia tau importansia ba Timor-Leste tanba iha ona koperasaun barak no boot ba futuru atu realiza, no Australia mós sei tau importansia ba Timor-Leste ho nune’e atu haboot tan Embaixada Australia nian iha Dili, hanesan mós Embaixada Australia nian iha Jakarta no fatin seluktanba iha futuru Timor-Leste importante tebes.*