Dili, Kinta 20/07/2023: S.E. Ministru Justisa Dr. Amândio de Sá Benevides, iha Sala Reuniaun simu vizita kortezia husi Embaixador Japão, Senhor Tetsuya KIMURA, ho diplomata TAKAHASMI Naomi Primeira Sekretária Embaixada, iha sala reuniuan Gabinete Ministru Justisa Rua Colmera Díli.

Ofisialmente Embaixador Japão Senhor Tetsuya KIMURA iha vizita kortezia ida ne maka, hakarak Kongratula Ministru Justisa Governo Konstitusional ba da_IX lidera husi Primeiru Ministru Kayrala Xanana Gusmão.

Fatin hanesan primeira sekretária Embaixada hatoo konabá governu Japão nia prioridades koperasaun entre nasaun rua iha area justisa, maka involve servisu hosi UNAFEI United Nations Asia and Far East Review. Iha enkuadramentu servisu hamutuk, no ida seluk maka refere ba apoiu konstrusaun Sentru Juvenil, no destaka ona Injenheiru nain 2 (rua) ba hahu halo site visit.

Governu Japão sei nafatin fo atensaun no apoiu atu hatutan programa balun hosi tempu anterior, relasiona ba formasaun no oinsá atu kombina capacity building. Nuneé sei konvida nafatin partes relevantes housi Timor Leste bele partisipa iha kursu oioin. Embaixador Tetsuya Kimura haktuir mos katak, sei halo nafatin follow-up seguimentu konaba asuntu balu hanesan koopera hamutuk ona iha tempu liuba , ida maka konaba partisipasaun Japão nian iha projeito elaborasaun draft law, no realiza mos programa formasaun, nudar apoiu reforsa area justisa iha Timor Leste.

Konaba prioridades iha koperasaun, antes ne Ministru Justisa koalia ona ba delegasaun UNAFEI, atu halo énfaze ba nesessidade programa adekuadu nebe importante atu aplika ba saude ajentes guarda prizaun nian, nune'e mos aborda konaba posibilidade artikulasaun atu realiza hamutuk ezersisiu fisiku konaba saude funsionarius sira nian.

Iha fatin hanesan, Ministru Justisa hatoo ba Embaixador relasiona ba politika ho prosedimentus governu foun nee katak apoiu internasional saida deit maka mai atu ajuda Timor Leste, ni-nia ezekusaun tenki artikula no kordena liu housi MNEC-Ministériu Negosiu Estranjeirus e Koperasaun nebe sai nudar kanal ofisial uniku, atu evita ida overlapping .

Akompanha Ministru Justisa iha reuniuan vizita kortezia embaixador Japão ida ne'e, Asistente Assessora Teknika Gabinete Ministru Justisa Dra. Madalena de Jesus da Conceição Pereira Carlos.