Sekretáriu Estadu Terras Propriedades, Jaime Xavier Lopes, iha loron 18 fulan-Jullu 2023 foin lalais ne'e paerisipa iha aprezentasaun Programa IX Governu Konstitusionál nian iha Parlamentu Nasional.
Iha programa Governasaun dasia nian ne'ebé aprezentasaun direta hosi Primeiru Ministru, José Alexandre Kay Rala Xanana Gusmão, ne’e ho ninia kompremisiu prinsipais neen (6), hanesan Reafirma Estado de Direito Demokrátiku, Desenvolver o Capital Social, Desenvolver as Infraestruturas, Desenvolver a Economia, Consolidar a Governação no ikus liu mak Promover a Boa Governação e Combater a Corrupção.

Hafoin partisipa iha aprezentasaun no diskusaun programa IX Governu Constitusional nian iha Parlamentu Nasional, Sekretáriu Estadu Terras Propriedades (SETP), Jaime Xavier Lopes hateten, aprezentasaun programa governu ne’ebé ho nia diskusaun durante loron 2 ne’e foin mak ba dahuluk hetan votus Unanimidade iha Parlamentu Nasional, tanba ne’e hanesan membru Governu nia parte pronto atu hala’o servisu tuir programa ne’ebé iha ona.

Durante aprezentasaun no diskusaun programa IX Governu Konstitusional nian ne’e, hetan mós nina reasaun pojetivu hosi bankada parlamentar sira.
Hanesan reprezentante povu iha umafukun parlamentu nasional, Antonio Verdial de Sousa hateten, nia parte apresia ho programa IX Governu Constitusional.
Iha aprezentasaun ne’e nia husu ba Primeiru Ministru atu bele hadia Instituisaun Terras Propriedades iha futuru hodi bele hetan autonomo finanseiru, hodi bele jere rasik idaidak ninia instituisaun.

Iha aprezentasaun no diskusaun programa IX governu ne’ebé fó perioridade ba iha Setór hothotu hanesan Justisa, Edukasaun, Saúde, Infrastrutura no setór Agrikultura ne’ebé deskute durante loron rua ne’e hetan aprovasaun hosi Parlamentu Nasional ho votus Unanimidade.*