Sekretáriu Estadu Terras Propriedades, Jaime Xavier Lopes, iha loron 14 fulan-Jullu 2023 foin lalais ne’e partisipa iha aprezentasaun orsamentu Reatifikativu ba fulan-Jullu to’o fulan-Dezembru 2023 ne’ebé mak hala’o iha Salaun Auditorium Ministeriu Finansas nian.
Durante diskusaun ko’alia liu kona-ba Orsamentu Reatifikativu tinan 2023 nian ne’ebé kada instituisaun sei aprezenta ninia planu orsamentu.
Antes tama ba diskusaun Vise Primeiru Ministru e Ministru Kordenador ba assunto Ekonomico no ministru Turizmu no ambiente, Francisco Calbuadi Lay husu ba membru IX Governu Constitusional atu bele partisipa ativu durante aprezentasaun no diskusaun orsamentu Reatifikativu ho di’ak.
Atu poupa tempu hodi bele halo diskusaun ida di’ak, ha’u husu ba ita hotu atu bele konsentra no foku ba iha aprezentasaun orsamentu reatifikativu nian ne’ebé mak sei aprezenta hosi Ministériu Finansas.

Durante diskusaun ko’alia liu kona-bá planu orsamentu reatifikativu ba kada instituisaun, iha biban ne’e instituisaun idaidak aprezenta ninia planu liu-liu orsamentu hirak mak oras ne’e daudaun instituisaun idaidak iha no hira mak presiza atu aumenta iha orsamentu reatifikativu tinan ida ne’e nian.
Ne’ebé partisipa iha aprezentasaun no diskusaun orsamentu reatifikativu ne’e mak Sekretáriu Estadu Terras Propriedades, Ministru Justisa, Vise Ministru para o fortalecimento Institucional da Saúde, no diskusaun ne’e rasik hala’o rutante loron tomak.