Loron Internasional ba Direitu Labarik komemora iha Timor – Leste, nebe konsentra iha distritu Bobonaro kapital Maliana loron 20 novembru 2012 , partisipa husi Vise Ministru Justisa Ivo Valente, iha vizita ba eskola Rai Foun Ritabou Maliana, Vise Ministru Justisa Ivo Valente nebe mos marka persensa ho Vise Ministra Edukasaun ensinu baziku Sra. Dulce Maria, komisária direitu labarik Sra. Aldagiza Ximenes representante UNICEF, etc.

Iha vizita ba Eskola, Vise Ministru Justisa Ivo Valente observa alunus iha kada sala Ensinu nian, rona sira nia Estudus, Assesu ba eskola, Saude, Tratamentu, husi professores, Inan Aman.

Vise Ministru Justisa Ivo Valente mos partisipa iha vizita ba Hospital Referal Maliana, hare prosesu rejistu ba labarik sira nebe foin moris iha hospital refere, iha loron 20/11/2012. Labrik nain 4 moris iha loron importante ba direitu labarik nian.

Lokraik tuku 15.00 partisipa iha Marsa haléu sidade Maliana, hodi komemora loron direitu labarik, kontínua Entrega Simbolikamente Sertifikadu Rejistu moris iha Sentru Jinaziu sidade no mos iha kampu demokrasia Maliana ba labarik sira nebe Inan – Aman rejistu ona iha servisu Notariadu distritu Bobonaro.