Ministériu Justisa liu husi komisaun Nasional Direitu Labarik, konsentra Komemorasaun loron mundial ba direitu labarik iha distritu Bobonoro iha Maliana.

Aktividade nebe halão loron 3 iha Maliana, partisipa husi labarik Estudates husi Distritu Bobonaro, Liquisa, i Covalima (Tilomar).

Vise Ministru Justisa, Ivo Valente hamutuk ho komisaria direitu labarik Sra. Adalgiza Ximenes, ho labarik sira tuir misa nebe halão iha igreja Santa Emaculada da Concencão Maliana (18/11/2012), iha misa nebe Amu lulik halo Espesial atu komemorasaun loron ne, iha nia homilia, padre fó hanoin ba labarik sira atu prepara sira nian- an hodi hasoru sira nia futuru ou núdar Timor-Leste nia futuru.

Iha loron tuir mai (dia 19/11/2012)., Vize Ministru Justisa, Ivo Valente loke seminariu (workshop) konaba rejeistu, ho topiku Rejista kedas ita bot, nia oan hodi garantia, direitu ba moris diak, dezenvolvimentu, protesaun no partisipasaun. Hodi komemora loron labarik nian .

Partisipa iha loron nee komisária direitu labarik, estudante husi distritus Bobonaro, Liquisa, ho Covalima, hamutuk ho administrador distritu Bobonaro, komandate PNTL Bobonaro, oradores sira nebe representa ministerius balun hanesan, Saude, Edukasaun, Sosial, NGO, etc.

Iha abenturra nebe halão husi Vise Ministru Justisa, Ivo Valente hato'o parabens ba loron espesial labarik nian, fo hanoin ba labarik sira konaba sira nian direitu oin-oin nebe sira iha hanesan direitu atu hetan edukasaun, hetan tratamentu saude, justisa, sosial, etc. Maibe mos prezisa hanoin konaba dever atu respeitu inan-aman, professores no ema seluk.

Vise Ministru Justisa Ivo Valente, mos aponta esforsu nebe estadu Timor-Leste halo ona, desde Timor-Leste ratifika konvensaun direitu labarik iha tinan 2003.
Governu halão politika hodi kria kondisaun atu promove no proteje direitu hotu – hotu nebe labarik sira iha tuir konvensaun direitu labarik determina.

Timor Leste, konsiente katak labarik maka futuru nasaun. Nune, Estádu kúmpri dever hanesan hamosu lei sira nebe garante labarik nia direitu, iha tempu besik Timor Leste sei iha Lei kodigu direitu labarik nian atu hari sentru detensaun juvenile ho karakter edukativu, atu eduka labarik sira nebe iha konflitu ho lei, no seluk tan nebe nezessita atu protéje labarik Timor oan.