Atsabe, 5-12-2022, Sua Exselensia Vise Ministru Justisa Dr. Jose Edmundo Caetano (Saka Timor) Hala’o Abertura Rejistu Sivil Online, Segunda-feira ne’e Realiza iha Munisipiu Ermera Postu Administrativu Atsabe.

Seremonia ne’e, abertura direta hosi Exselensia Vise Ministru Justisa, akompaña hosi administrador postu administrativu Atsabe, Director Nasional Rejistu i Notariadu, sefe suku Malabe, no parispa hosi komunidade postu administrativu Atsabe kompostu hosi 12 suku.

Programa asesu justisa ne’e, prioridade liu ba inan-aman sira ne’ebe idade avansado ou kategoria terseira idade, ema difisensia, inan isin rua, tamba relasiona programa subsidio idozus, bolsa da maé, ne’ebe estadu kria nune’e sidadaun hotu tenke iha dokumentu legal hosi justisa mak foin bele asesu ba subsidiu refere, wainhira dokumentu ne’e la iha sei digikulta komunidade atu asesu ba subsidiu husi estadu, iha parte seluk mos ministeriu justisa liu hosi diresaun nasional rejistu I notariadu idnetifika iha teritotia nasional maioria idozu sira sedauk iha dokumentu legal hanesan sertidaun moris no bilete identidade, tan ne’e politika VIII Governu konstitusional lori fasilidade justisa ba iha area rurais hodi fasilita komunidade sira iha base.

Iha atividade refere, Vise Minstru Justisa ho Director Nasional Rejistu i Notariadu akompaña hosi administrador posto Atsabe, sefe suku Malabe, simbolikamente fahe sertidaun moris no bilete identidade ba inan-aman, difisientes, veteranus, inan isin rua, hanesan faze dahuluk iha fatin refere.
Diresaun rejistu I notariadu, destaka iha postu refere durante loron 10 hodi fo atendementu ba komunidade Atsabe ne’ebe kompostu hosi ‘suku 12, mak hanesan suku Malabe, Baboe-leten, Baboe-Kraik, Parami, Laklo, Tiarlelo, Laubonu, Batu-Manu, Obulo, Lasaun, Leinia, Atara.

Sefe suku Malabe ho komunidade postu administrativu Atsabe ho kontenti simu programa ne’e tamba fasilita ona sira maske dook no estrada aat maibe governante ne’e ho komitmentu lori programa ne’e to’o iha ami nia area ne’ebe rurais.’ Tenik sefe suku Malabe.