Dili-Ministru Justisa (MJ) Dionisio Babo Soares sai orador ba seminariu Nasional neébe organiza husi Universidade Nasional Timor Leste (UNTL) koalia liu kona ba Prosesu lei Rai nian.

Tuir Ministru Justisa Dionisio Babo Soares hateten katak probelema rai sai hanesan prekupasaun boot ba Governu e mos ba sidadaun hotu-hotu iha Timor Leste tamba problema rai toó agora sidauk bele atu resolve hotu tamba sei hein lei rai nian neébe agora dadaun iha hela Parlamentu Nasional.

“Probelema rai ohin loron sai prekupasaun boot ba estadu e mos ba Sidadaun hotu-hotu tamba toó agora problema rai sidauk bele resolve hotu tamba ita sidauk iha lei rai nian atu bele resolve problema parselas entre komunidade ida ho komunidade ”Dehan Ministru Justica Dionisio Babbo Soares hafoin sai orador iha Seminariu Nasional neébe organiza husi UNTL iha Centru Konvensaun Dili Quinta (15/11)

Ministru mos informa tan katak kestaun rai ohin loron sai buras iha rai doben ida tamba Timor Leste mai husi Kolonialismu neébe naruk no sira la hasai titlu ba rai hodi bele sai nain ba rai tamba neé ohin loron ita independensia ona ita bele iha lei rasik atu bele proteje sidadaun hotu-hotu nian direitu tuir Konstituisaun RDTL haruka.

“Timor Leste mai husi Kolonial neébe naruk no la foo titlu ba rai hodi bele fo rekonhesementu ba komunidade atu bele sai nain ba rai tamba neé ohin loron ita independensia ona ita halo politika ida atu bele foo rekonhesementu propriedade ba ita nian sidadaun tuir Konstituisaun RDTL haruka ona”dehan Minsitru Justisa.