Vice Ministru Justisa Ivo Valente , akompanha Ministru Justisa DR. Dioniso Babo, iha reuniaun konselhu koordenasaun sektor Justisa, dia 8 de Novembru 2012. Ho ajenda tuir mai nee :

A) Diskusaun ba segunda alterasaun Lei no 10 / 2009 , de 5 de agusto, ( Aprova Estatutu Remuneratóriu Majistradus Judiciais, Ministériu Públiku no Defensoria públiku).
B) Diploma Ministerial Regulamentu Interior husi Centru Formasaun Juridika.
C) Informasaun kona ba Centru Invertigasaun kriminal e Tribunal de kontas.
D) Proposta lei sira nebe mai husi Prokuradoria Geral Repúblika.
E) Estabelecimentu ordem Advogadu nian.

Resultadu Reuniaun :

Ba pontu
A) Konselhu koordenasaun hein, proposta sira husi Instituisaun sektor juridika nian.
B) Ministru Justisa DR. Dionisio Babo hare iha aspektu rua:
1) Infrastutura / fisika konstrusaun ba Centru Investigasaun Kriminal.
2) Rekursus Humanus, Ministeriu Justisa, prepara fo ona formasaun ba ema / formandus 47 núdar futuru investigador kriminal no iha formadus nain 10 núdar técnikus ba laboratoriu ( Forensica, balistica etc).

Ministru Justisa, propoin atu halão Seminar Workshop ho peritus ou Expert Internasional atu rona oinsa visaun kona ba Estabelecimentu Centru Investigasaun Kriminal ida iha Timor – Leste.

Presidente Tribunal Rekursu konkorda ho Ministru Justisa atu halão Seminariu Internasional.

Prokuradoria Geral Repúblika , prepara ona proposta ida ba servisu Investigasaun kriminal, idea mak atu Reforsa tan PNTL ka servisu Investigasaun Kriminal deit.

Konsidera atu fo apoiu subsidiu Especial, ho rebolsu seluk atu reforsa Investigasaun Kriminal. ( hanoin mos atu desentraliza servisu SIC ).

Defensoria públiku, atu reforsa SIC precisa reforsa linha de koordenasaun Institusional ho sector Justisa. Ita precisa iha SIC intégra iha PNTL.

Reuniaun nee halão horas 09.00 dadersan too 14 : 20

Partisipa husi :

Ministro Justisa DR.Dionisio babo,
Vice Ministru Justisa Ivo Valente
Presidente Tribunal Rekursu Dr.Claudio Ximenes
Prokuradoria Geral Republika Dra. Ana Pessoa
Defensoria Publika Geral Dr.Sergio Hornai.

Akompanha mos husi :
Juiza Conseleira husi Tribunal Recursu , Dra. Maria Natercia Gusmao ho Dra. Jacinta

Koordenador Centro Formasaun Juridika, assesora/ formadora husi CFJ no Xefi departamentu CFJ ( nebe representa Directora CFJ )