Dili, 17/5/2022, Sua Excelensia Vice Ministru Justisa Dr. Jose Edmundo Caetano (Saka Timor ) Participa Ceremonia Aniversariu Constituisaun RDTL ba Tinan 20, Tersa-feira ne’e iha Salaun Ministeriu Finanças, Aitarak-Laran.
Ceremonia ne’e, abertura husi Excelensia Prezidenti Republika Timor Leste Dr. Francisco Guterres Lo-Olo, akompanha husi Prezidenti Parlamentu Nasional, Dr. Aniceto Longuinhos Guterres Lopes, Prezidenti Tribunal Dr. Deolindo dos Santos, partisipa husi Membru Deputadus, Membru VIII Governu Konstitusional nos mos entidades importantes sira seluk.

Ceremonia ne’e, halo’o seminar ho tema geral “ Konstituisaun, Konstrusaun Demokratika no Dezenvolvimentu Timor Leste ” nebe orador husi primeira parte mak hanesan Dr. José Luis Oliveira (ONG AJAR), Dr. João Baoviada (ONG CEPAD), Virgilio Guterres (prezindente konsellu Emprensa), Dr. Lusia Lobato (eis Membru Asembleia Konstituante) resposavel ba materia prespetiva sosiedade sivil konaba konstituisaun, objetivu estadu dezenvolvimentu ba sosiedade Timor oan.

Orador segunda parte mak Dra. Natarsia Gusmão Pereira (Juis Konseleira Tribunal Rekursu), Dr. Alexander Corte-Real de Araujo, Dr. Jorge Graça, Dra. Remigia de Fatima da Silva no Dra. Jesunha Maria Fereira Gomes, responsavel ba materia Konstituisaun, Konstrusaun Demokrasia iha Timor Leste iha futuru ho dezafius.

Ikus liu, orador sira husi internasional Dra. Angela Carascalão, Prof. Doutor Bacelar de Vasconcelo no Prof. Doutor Jaime Valle, mak responsavel ba materia Revizaun Konstituisaun.
Durante aprezentasaun materia neé, iha mos sesaun husu no hatan entre orador sira no partisipante sira.