Dili-Ministru Justica Dionisio Babo Soares Partisipa iha Konfrensia Nasional Organizasaun Sagrada Familia (OSF) néebe halao iha Canossa Haslaran Sabadu (27/10) ho Tema mai ita valorize Historia Rezistensia hodi haforsa Rezistensia Organizasaun Sagrada Familia no hamotuk servisu makas ba Timor oan nia moris diak liu husi forma Intelektual.

Tuir Fundador Organizasaun Sagrada Familia (OSF) Cornelio Gama L7 hateten katak organizasaun Sagrada Familia hanesan organizasaun Rezistensia ida neébe uluk ho nian prisipiu atu luta ba rai ida neé atu hetan ukun rasik an hodi ohin loron hetan independensia.

“Organizasaun Sagrada Familia hanesan organizasaun Rezistensia ida neébe uluk moris ho nian prinsipiu luta hodi hetan ukun rasik an no ohin loron hetan duni ukun an tamba neé ohin halo konfrensia ida neé atu halibur malu fali membru organizasaun OSF hodi indentifika mane hira no feto hira atu nune bele valoriza nafatin organizasaun ida neé ba iha futuru”dehan Fundador OSF Cornelio Gama L7 iha Canossa Haslaran Sabadu (27/10)

L7 mos informa tan katak organizasaun Sagrada Familia ohin loron hetan rekonhesementu husi Governu kompara ho organizasaun seluk no agora dadaun ita iha Sertifikadu organizasaun nian neébe hetan rekonhesementu husi govenru atu bele fahe ba membru sira atu bele hanene didiak membru feto hira no mane hira.

Iha fatin seluk Brigadeiru Jenderal Lere Anan Timor hateten katak Organizasaun Rezistensia neébe uluk ejisti iha tempu ukupasaun Indonezia barak los konta mos Organizasaun Sagrada Familia neébe ohin loron halo nian konfrensia hodi halibur malu fali hodi hanoin atu dezenvolvimentu ba rai ida neé .

“Organizasaun neébe uluk hamrik iha tempu rezistensia iha organizasaun barak nébe uluk ejisti tamba neé ohin loron imi halibur malu hodi valoriza nafatin organizasaun neé atu nune jerasaun foun sira hodi hatutan ba futuru”dehan Brigadeiru Lere Anan.

Pedro Delfim
Media Officer