Dili -iha Politika orsamentu Ratifikativu tinan ida neé Ministeriu Justica sei la aumenta tan osan iha orsamentu Ratifikativu maibe halo deit transferensia ba iha salario beins servisu nian.

Tuir Ministru Justica Dionisio Babo Soares hateten katak Ministeriu Justica sei la aumenta tan orsamentu Ratifikativu ba tinan ida neé maibe halo deit transferensia ba iha salario beins servisu nain tamba uluk iha deit Diresaun Nasional Teras e Propriedade maibe agora sae fali ba Sekretariu Estado.

“Ministeriu Justica sei la aumenta tan osan iha orsamentu Ratifikativu ba tinan ida neé maibe sei halo transferensia deit salario beins servisu nian tamba uluk Diresaun Nasional Teras e Propriedade hanesan diresaun deit maibe agora sae fali ona ba Sekretariu Estadu tamba neé iha mudansa transferensia deit”dehan Ministru Justica iha Parlamentu Nasional Sexta (11/10)

Ministru Justica mos informa tan katak Ministeriu Justica tenke halo transferensia osan ba iha parte Sekretariu Estado Diresaun Nasional Terras no Propriedade tamba Sekretariu Estado presija osan atu bele apoitment politika ho ema neébe nian presija atu apoia servisu iha Gabinete Sekretariu Estado nian.

Ministru Justica mos sublinha tan katak Ministru Justica la iha mudanca tamba servisu lao nafatin hanesan bai-bain no tuir nafatin planu uluk nian tamba neé osan neébe hasai husi fundu infra-estrutura ba orsamentu ratifikativu ho montante Miloens 509 USD neé Minstru Justica la hetan tamba Ministru Justica nian orsamentu tinan kotuk nain ezikuta sei toó iha dalan kalaran tamba neé iha orsamentu ratifikativu MJ sei la aumenta tan.

Pedro Delfim
Media Officer