Atsabe-Ita hotu hatene katak maioria povu Timor Leste sei dauk hatene klean kona ba Lei neébe vigora iha Timor Leste tamba neé Poltika V Govenru Konstituisional Liu husi Ministsru Justica iha Diresaun Nasional Dos Direitus Humanos e Sidadania (DNDHC) hodi halo programa Divulgasaun lei ho Tema “Lori Justica ba toó Povu” atu nune povu bele iha konhesementu neébe diak kona ba lei neébe vigora iha paiz ida neé.

Tuir Ministru Justica Dionisio Babo Soares hateten katak Ministsru Justica iha seitor neébe boot tebes tamba neé ohin ita hamotuk iha fatin ida neé liu husi Diresaun Nasional Dos Direitus Humanos e Sidadania (DNDHC) atu fahe lei neébe iha relasaun ho komonidade sira tamba ita nina povu iha Timor Leste maioria mak sei dauk hatene los saida mak lei no lei nian funsaun atu halo saida.

“Ita hotu hatene katak maioria povu Timor Leste sei dauk hatene lolos saida mak lei no lei nian funsaun atu halo saida tamba neé V Governu Konstituisional liu husi Ministru Jusitca iha Diresaun Nasional Dos Direitus Humanos e Sidadania (DNDHC) hodi halo programa Divulgasaun lei ho tema “Lori Justica ba Toó iha Povu” atu nune povu bele komprende didiak lei neébe vigora iha Timor Leste”Dehan Ministru Justica hafoin loke ofisialmente programa divulgasaun Lei iha Distritu Eremera,Sub-Distritu Atasabe Kuarta (04/10)

Ministu Justica mos informa tan katak husu ba Autoridade local neébe ohin partisipa iha programa ida neé atu fila fali ba uma atu bele esplika ba didiak ba povu sira atu nune sira mos bele komprende didiak ita nian lei neé tamba lei neé povu mak hili reprezentante povu nia iha Parlamentu Nasional mak halo lei neé.

Iha fatin seluk Vice Ministru Justica Ivo Valente hateten katak objektivu principal programa divulgasaun ida neé atu hatoó seitor Justica iha Timor Leste no mekanismu ida neé mai husi IV Governu Konstituisioanl,tamba neé ohin loron V Governu Konstituisional hanesan kontinusaun hodi lori justica ba toó iha povu tamba maioria povu Timor Leste seidauk hatene sira nian dever no direitu kona ba lei neébe vigora iha nasau RDTL ida neé.

“Objektivu principal programa divulgasau ida neé atu bele lori justica ba toó iha povu tamba maioria povu Timor Leste seidauk hatene lolos sira nia dever no direitur ba lei neébe vigora iha Republica Democratica de Timor Leste tamba neé governu liu husi Ministru Justica ida dever atu bele hatoó seitor justice ba toó povu atu bele komprende didiak sira nian dever no direitu ba lei neébe vigora iha nasaun ida neé”Dehan Ivo Valente hafoin partisipa iha programa divulgasaun.

Pedro Delfim
Media Officer