Dili-Relasiona ho Formandus Timor oan hamotuk nain 47 neébe ba tuir ona formasaun iha area Investigasaun Kriminal iha Portugal neébe agora remata ona hodi fila hikas mai Timor Leste Governu liu husi Ministru Justica iha Politika hodi servisu hamotuk ho instituisaun Estadu hanesan Sekretariu Estadu Siguransa (SES) ho Komisaun Anti Korupsaun (KAK) hodi enkaixa formandus sira neébe remata ona formasaun iha Portugal hodi ba tuir Estajiu iha instituisaun refere.

Tuir Ministru Justica Dionisio Babo Soares hafoin hasoru malu hateten katak Formandus Timor oan hamotuk nain 47 neébe ba tuir formasaun iha area investigasaun Kriminal iha Portugal remata ona hodi fila ona mai Timor Leste Governu liu husi MInistru Justica hodi servisu hamotuk ho Instituisaun PNTL ho KAK atu bele enkaixa formandus sira hodi bele ba tuir Estajiu iha instituisaun refere atu nune bele inplementa sira nian matenek neébe durante neé sira hetan.

“Ohin hasoru malu ho Sekretariu Estadu Siguransa,Komando Polisia Nasional Timor Leste (PNTL) ho KAK hodi informa formandus Timor oan nain 47 neébe ba tuir formasaun iha area Investigasaun Kriminal iha Portugal no agora dadaun fila oan mai Timor Leste oinsa atu bele enkaixa formandus sira atu bele ba tuir Estajiu hodi inplementa matenek neébe durante neé sira hetan iha formasaun nian laran”Dehan Ministsru Justica iha edifisiu Ministeriu Justica Kaikoli Kuarta (03/10)

Iha fatin hanesan Vice Ministsru Justica Ivo Valente hateten katak formandus sira neé governu mak prepara tamba neé instituisuan neébe relevante atu bele enkaixa Timor oan neébe iha kualifikasaun atu nune govenru labele lakon saigati se lae sira ba fali ONG govenru mak lakon tamba governu prepara oan rekurusu maibe la utiliza fali rekursu neébe ita prepara.

“Formandus Timor oan neebe ba tuir ona formasaun ida neé govenru tenke kaer metin tamba rekursu neé govenru mak prepara tamba neé instituisaun neébe relavante iha presija enkaixa formandus sira neéb ita rasik mak prepara se lae ita mak lakon tamba ita prepara tea ita la utilize sira ema seluk mak utilize fali sira”Dehan Vice Minstru Justica Ivo Valente.

Iha fatin seluk Sekretariu Estadu Siguranca Fransisco Guterres hateten katak instituisaun PNTL pronto atu simu formandus sira neébe tuir ona formasaun iha area Investigasaun Kriminal atu bele ba tuir estajiu maibe ami mos sei koloka sira ba iha Komando Jeral no balun mos ami sei aloka ba iha Distritu.

“Durante neé Instituisaun PNTL menus nian membru atu halo servisu tamba neé PNTL kopera nafatin ho Ministru Justica atu bele simu formandus sira neébe ba tuir formasaun iha area Investigasaun Krimal hodi bele ba pratika iha instituisaun PNTL atu nune sira bele inplementa saida mak durante neé sira hetan iha formasau nian laran”Dehan Sekretariu Estadu Siguransa.

Pedro Delfim
Media Officer