Liquisa-Sekretáriu Estadu Terras Propriedades (SETP), Mario Ximenes, iha loron Sesta, 26 fulan- Abríl 2019 foin lalais ne’e partisipa iha workshop kona-bá levantamentu no identifikasaun rai ba futuru projeto nasional ba parke inddustira nian iha salaun enkontru munisípiu liquisa.

Parke ne’ebé iha future sei konsidera hanesan projetu nasional ne’e lokaliza iha suku ulmera postu adiministrativu Bazartete munisípiu Liquisa.

“Ita hotu nia komitmentu, ambisaun, no hanoin ida atu fó apoiu ba desemvolvementu ne’ebé sei la’o iha monisípiu Liquisa, hosi parte terras mós iha kompentensia ida no devér morál ida wainhira orgaun estadu ida atu hala’o dezenvolvimentu, iha rai ida nia benefisiu iha ba ita nia povu no nasaun, liu-liu munisípiu Liquisa pontensia di’ak ba futuru,” Tenki SETP hafoin abertura.

SETP hateten, parte terras nian sei fó apoiu ba dezenvolvimentu ne’ebé hala’o iha munisípiu Liquica, no husu ba maluk sira ne’ebé mak hela iha parte atu halo dezemvolmentu ne’ebá atu kopera ho parte kompententi hodi bele fó apoiu no kontribuisaun másimu hodi prosesu dezemvolmentu la’o ho di’ak.

Membru VIII governu ne’e mós garantia katak, iha tinan lima mai joven sira iha liquica sei la iha desemprego, tanba ne’e hosi parte terras ho nia kompentensia rasik prontu atu fó apoiu.

Iha workshop ne’ebé hetan partisipasaun hosi diretór DNTPSC, Prezidenti Autoridade Munisípiu Liquisa nian inklui mós Assessor Prinsipál MTCI nian ne’e nia hateten, estadu atu hala’o indiminizasaun ruma, estadu iha nia padaraun ne’ebé la halakon sidasaun sira nian deritu alende ne’e estado nia kbi’it mak atu rezolve sidadaun sira nia prolema maibé dezemvolmentu tenke la’o nafatin tuir planu governu dawaluk nian.

Iha workshop ne’ebé hala’o durante lron ida ne’e hetan partisipasaun hosi SETP Mario Ximenes, Diretór Nasionál DNTPSC, Horacio da Silva, Assessor Prisimpál MTCI, Jacinto Rigoberto, Prezidenti Autoridade Munisípiu Liquisa Domingos da Concieção do Santos inklui mós Reprezentante Diretór Terras Propriedades Munisípiu Liquisa.*