Ermera-Ministru Justica ho Vice Ministru Akompania husi Sekretariu Estadu Teras e Propridade halo primeiru lansamentu hodi fahe sertifikadu rai nian ba komunidade hodi sai hanesan evidensia hodi hein lei rai nian ne’ebe agora dadaun iha hela prosesu nian laran.

Tuir Ministru Justica Dionisio Babo Soares hateten katak Lansamentu hodi fahe sertifikadu ba komunidade sira hodi sai nain ba rai hanesan primeiru pilotu ne’ebe hahu husi Distritu Ermera hodi hei lei rai nian ne’ebe agora iha hela prosesu nian laran ita hein katak iha tempu besik Parlamentu Nasional bele aprova.

‘’sertifikadu ida ne’e hanesan evidensia ida hodi hein ita nian lei rai nian ne’ebe agora iha hela prosesu nian laran ita hotu hein katak iha tempu besik Parlamentu Nasional bele aprova tamba problema rai sai agora dadaun akontese iha fatin-fatin’’dehan Ministru Justica Dionisio Babo Soares iha Ermera hafoin hafe sertifikadu ba Komunidade iha loron Segunda (10/09).

Iha fatin seluk Sekretariu Estadu Teras e Propiridade Jaime Xavier hateten katak husu ba komunidade sira hotu atu bele kalma hodi hein lei rai nian ne’ebe agora dadaun iha hela prosesu nian laran banhira lei ne’e aprova sei bele garantia sidadaun hotu-hotu iha direitu atu bele hetan rai padasuk ida.

‘’Husu ba povu tomak atu bele kalma hodi hein ita nian lei rai nian ne’ebe agora dadaun iha hela prosesu nian laran banhira lei ne’e aprova ona mak sei bele garantia sidadaun hotu-hotu iha direitu atu bele hetan rai’’dehan Sekretariu Estadu Jaime Xavier.

Iha fatin Seluk Joao Maia hanesan komunidade ne’ebe hetan sertifikadu hateten katak kontenti los banhira governu rekonhese ami nian propiridade ne’ebe ami nian avo sira husik hela mai ami tamba durante ne’e hein hela desizaun husi governu atu bele difini lolos sidadaun hotu-hotu atu bele iha rai.

‘’hau sente kontiti tebes banhira governu ofrese sertifikadu ida ne’e ami hau hodi garantia hau nian direitu hadi sai nain ba rai tamba durante ne’e la iha surat ruma ma kami kaer atu bele sai hanesan evidensia maibe agora govenru oferese ona sertifikadu ida hau fiar katak ba future la iha ema ruma mak atu bele foti hau nian rai ne’ebe hau iha’’dehan Joao.

Pedro Delfim
Media Officer