VICE Ministru Justisa no Sekretaria do Estadu Terras Propriedade no Servisu Kadastrais nian iha loron 10 fulan-Agostu, tinan2012 hala’o enkontru dahuluk ba V Governu Konstitusional nian hodi ko’alia kona-ba planu asaun anual ministeriu nian iha sala reuniaun ministeriu justisa.

Enkontru konsulativu ne’ebé maka hala’o iha sala reuniaun Ministeriu Justisa nian ne’e ho nia objetivu atu oinsa lideransa Ministeiru Justsa nian sira hotu bele ajusta buat ne’ebé maka sei sai hanesan planu importante iha tinan lima oin-mai.

Iha reuniaun ne’ebé lidera hosi Vise Ministru Justisa, Ivo Jorge Valente ne’e Ministru Justisa, Deonisio Babo la partisipa tanba iha ekontru altunivel ho Presidenisa da Republika, maibe enkontru refere hetan patisipasaun hosi Sekretáriu Estadu Terras Propriedade no Servisu Kadastrais nian, Jaime Xavier Lopes , inklui mós diretores sira hosi Ministeiru Justisa no diretores hosi Sekrtara Estdu nian.

Enkontru refere ko’alia kona-ba kalendariu orsamentu reatifikativu ba tinan 2012 nian, planu asaun annual bat inn 2013 no plznu orsamentu jerál tinan 2013 nian, alterasaun ba lei orgánika Ministeriu Justisa no disiplina jerais sira.

Iha enkontru ne’e Vise Ministru Justisa hateten, V Governu Constitusionál nia hakarak mak hanesan orsamentu ne’ebé tama ona iha planu hakarak, ka lakohi lideransa MJ nian tenki deside hodi ajusta ba planu estratejiku seitór justisa, no planu ne’e rasik to’o 2030.

Iha enkontru ne’e Ivo mós husu ba dirasaun sira Ministeriu nian inklui mós diresaun sira hosi sekretaria estadu terras propriedade no servisu kadastrais nian tenki prepara planu kada tinan lima-lima nian tanba hosi planu sira ne’ebé diresaun sira hato’o mak bele hatene dirasaun sira nia hakarak no sira nia preokupasaun ba tinan lima nian ne’e saida.

Iha enkontru ne’e Diretor Nasional Administrasaun Finansan, Ponciano da Cruz Leite kestiona mós kona-ba krteria saida deit mak presiza atu elabora orsamentu retifikativu.

Nune’e Diretor hosi Diresaun Nasional Servisu Prizionais no Reinsersaun Sosial, Helder Cosme mós kestiona kona-ba uma prizaun Gleno nian ne’ebé presiza tau atensaun hodi rehabilita maibe nia la tama iha planu asaun.

Ananias Babo Horta
Media Officer