Baucau/Governu dahituk, S.E. Ministra Justisa Dra. Maria Ângela Carrascalão halao vizita serbisu ba diresaun ne'ebé hamahon iha Ministériu Justisa, atividade serbisu halao loron tolu (3), 26-27-28- Novembru 2017.

Iha loron 26 Novembru 2017, oras 13:47 komutiva S.E. Ministra Justisa sai hosi Dili to'o iha Baucau oras 17:38 lokraik, depois lancha hanutuk komutiva S.E. Ministra Justisa, akompanha hosi adjunto PNTL Munisipiu Baucau Sr. Joni Viana Cegras, iha hotel flaboya/pozada Baucau.

Reportagem ne'ebé media officer Honório Santos Gabinete Ministra Justisa, kobre durante loron tolu (3) 26 – 27 - 28, akompanha atividade diária, halao vizita ba instituisaun ne'ebé tutela ba Ministériu Justisa.

Vizita ida ne'e atu hare'e besik funsionamentu serbisu setór justisa nian iha nível Munisipiu, liu – liu iha Baucau. Aliénde ne'e S.E. Ministra Justisa Dra. Maria Ângela Carrascalão, buka rona sá dezafiu ka obstákulu sira mak Instituisaun Estadu/Governu hasoru lor-loron, liu – liu atendimentu públiku nian.




Munisipiu Baukau

Loron 27 Novembru 2017, oras 8:32 to'o 9:12, S.E. Ministra Justisa haloa vizita ba hasoru presidente autoridade Munisipiu Baucau Dr. António Agusto Guterres hodi koalia konaba halao serbisu koperasaun entre Instituisaun rua. S.E. Ministra Justisa husu atu kopera serbisu hamutuk setór justisa ho Munisipiu Baucau. Presidente autoridade Munisipiu Baucau Dr. António Agusto Guterres halo explisaun kona'ba linha serbisu entre setór justisa ho Munisipiu Baucau, funsionáriu Munisipiu Baucau iha 386 no iha funsionáriu nai rua (2) hosi Ministériu Justisa destaka mai serbisu iha Munisipiu hodi halo registo civil, registo partido politiku, registo artemarsiais no serbisu hamutuk ba levantamentu iha area KADASTRU etc.


Tribunal Baukau
Oras 9:21 to'o 9:56, S.E. Ministra Justisa halao vizita ba Tribunal Baucau hodi hare'e besik kondisaun edifisiu ba julgamentu. Diretór tribunal, Dr. Afonso Carmuna hateten funsionáriu Tribunal Munisipiu Baucau iha sanulu resi ida (11), nain tolu (3) sei ba tuir formasaun, juiz nai hitu (7), tradutor nain tolu (3).



Ministériu Públiku
Oras 10:00 to'o 10:24, S.E. Ministra Justisa halao vizita ba Ministériu Públiku hare'e serbisu ba atendimentu públiku iha Munisipiu Baucau. Xefe sekretário Dr. carlos A. Ximenes hatete funsionáriu permanente iha ruanulu resi nén (26), nain 4 serbisu ba registo kaso Kriminal, nain nén advogado hodi atende kaso iha Munisipiu Baucau.


Defensória Públiku
Oras 10:31 to'o 10:56, S.E. Ministra Justisa halao vizita ba defensoria públiku. Defensoria Públiku Dr. Sergio Hornai explika ba edifisiu foun klinika asesu ba justisa gasta orsamentu konstrusaun no mobiliarius hamutuk 35 mil dolares americanos, sei falta transporte ba halao serbisu iha terenu.





Terras e Propriedades
Oras 11:00 to'o 11:31, S.E. Ministra Justisa halo vizita ba diresaun terras e propriedades hodi hare'e serbisu ba kadastru no serbisu desputa ba rai. Diretór Terras e Propriedades Dr. Amon Bernadino da Costa Correia explika kona'ba atividade serbisu terras propriedades, estrutura funsionáriu permanente 5, casuais 3, SNC nian equipa atividade ne'ebé diresaun halo hanesan alokasaun, arendamentu, levantamentu kadastru, esporadik ho sistematíko, identifikasaun, mediasaun. Menus rekursu umanu, menus equipamentu informátika. Husu transporte atu halao serbisu operasaun atividade ba iha terenu.


Registo Notariadu
Oras 11:36 to'o 11:54, S.E. Ministra Justisa halo vizita ba diresaun registo notariado hodi hare'e serbisu atedimentu públiku. Diretór registo notariado Dr. Armando de Jesus Carvalho hatete funsionáriu permanente 9, konservatóriu 6, notariado 3, percisa transporte atu usa halao rekonha ka fó sertidão moris RDTL, asina aktus notariais ba ema ne'ebé mak la to'o iha fatin. Husu equipamentu ka estalasaun foun ba maquina produz BI. Hare'e mós ba kondisaun edifisiu antigo ona atu halo konstrusaun ka rehabilitasaun kartoriu notariado no registo cívil.


Prisaun Antigo Bruma
Oras 12:15 to'o 12:45, S.E. Ministra Justisa halao vizita ba prisaun antigo Bruma hodi hare'e kondisaun uma prisaun Bruma. Diretór interino (DNSPRS) Dr. Januario Freitas Ximenes hatete, prisaun antigo Bruma existe iha tinan 2000 tempo UNTAET, prisaun ne'e taka iha governu AMP iha tinan 2008, depois prizoneiru 80 ho guarda prezoneiru 14 transfer ba prisaun bekora, ne'e planu governu AMP, tanba ho razões uma prizoneiru NAKFERA rai mós HALAI. Depois 2009 hosi diresaun nasionál (DNSPRS) halo survey rai iha TRILOKA / DARUSULA, populasaun oferece rai ho luan 6h iha TRILOKA, DARUSULA rai ho luan 2h, to'o agora seidauk halo konstrusaun tanba hare'e ba orsamentu.


Residensia Bispo Dom Basilio do Nasimento
Loron 28 Novembru 2017, oras 14:00 to'o 15:12 lokraik, S.E. Ministra Justisa Dra. Maria Ângela Carrascalão halao vizita ba hasoru Bispo Baucau Dom Basilio do Nasimento iha nian residensia kota lama.


Depois de enkontru komutiva Ministra Justisa fila hikas mai Díli.