Yogjakarta, Indonesia - Ministeriu Justisa (MJ) liu husi Diresaun Nasional Direitus Umanus no Cidadania (DNDHC) tuir formasaun teknolojia informasaun kona-ba dezenu grafika (Layout) iha aula Yogja Executive School “YES”, Yogjakarta, loron 1 – 5 Agustus 2016.
Programa ida ne’e hala’o bazea ba planu DNDHC/MJ kona-ba kapasitasaun rekursu umanu atu nune’e bele fo kualidade servisu relasiona ho teknolojia informasaun.
Antes atu tama iha formasaun Diretor YES halo abertura hateten “Ho servisu hamutuk ne’ebe iha, ita konsege realiza formasaun ne’e, hau fo abrigado ba Ministeriu Justia Timor-Leste ne’ebe fo fiar ba Yogja Executive School “YES” hodi fo formasaun reforsa kapasitasaun rekursu umanu no hau husu partisipante sira atu utiliza tempu ne’ebe iha atu aprende didiak hodi bele implementa iha imi nia nasaun liuliu iha imi nia instituisaun.

Iha mos intervensaun husi Xefi Ekipa DNDHC, Jose Paulino Dias Ximenes hatete, “ kapasitasaun ida ne’e hanesan meus ida ba ami atu iha kuinesimentu di’ak liu oinsa utiliza teknolojia informasaun modern hodi reforsa prosesu servisu iha parte media nian.”
Formasaun durante loron 5 ne’e fasilita tomak husi ekipa tekniku Yogja Executive School “YES” Sra. Ani Asmoro, S.S.T. fo formasaun ho materia hanesan tuir mai; dezenu grafika oinsa uza Corel Draw hodi halo logo, brosur, revista, photoshop, edit photo, layout no edit video .

Ekipa ne’e lidera husi Xefi Departementu Divulgasaun DNDHC, Jose Paulino Dias Ximenes, iha mos membru hanesan tuir mai, Tekniku Superior, Carmelindo D.S Caetano, Tekniku Profesional, Gil D. Menezes, Tekniku Administrativu, Carlos G. Dias, Tekniku Administrative, Adriano B. Soares no Tekniku Administrativu, Virgilio F. da Silva.
Iha enseramentu Diretor Yogja Executive School fo plaka no hosi Xefi ekipa Diresaun Nasional Direitus Humanus no Cidadania, Ministeriu Justisa tara tais ba Diretor, Manajer no Formador. (C).,