MAUBARA-Sekretáriu Estadu Terras Propriedades Jaime Xavier Lopes hamutuk ho Sekreáriu Estadu Juventude Desportu, Leovilgildo da Costa Hornai iha loron 25 fulan-Maiu 2016 foin lalais ne’e hala’o dialogu no nahe biti-boot ho komunidade sira iha suku Lisadilia, Postu Administrativu Maubara Munisipiu Liquisa.

Asaun dialogo ho nahe biti boot ne’e realize tanba antes ne’e iha loron 13 fulan Febereiru 2016 liu-ba akontese konfrontos entre joven sira iha suku Lisadila, Guiso no Suku Leutela Postu Administrativu Maubara Munisipiu Liquisa hodi rezulta Joven ida hosi Suku lisadila nian mate.

Relasiona ho akontesementu ne’e hosi parte prevensaun konflitu ministéiru Solidaridade Sosiál nian halo aprosimasaun ho komunidade inklui mós jovensira hosi suku hirak ne’ebé maka halo konflitu hodi bele hala’o dialogu hodi nahe biti boot.

Iha seremonia nahe biti-boot no simu malu entre familia vitima mo suspeitu nian ne’e kesi ho lutura hosi Lisan Maubara nian, nune’e iha futuru labele akontese tan konfrontu hanesan iha suku hirak ne’ebé maka mosu konflitu.

Iha seremonia simu malu ne’e, hanesan oradór prinsipál ba dialogu no asaun dame ne’e, SETP Jaime Xavier Lopes husu ba familia hosi vitima no suspetiu nian hodi labele halo tan problema iha futuru, bainhira iha futuru maka sei mosu nafatin problema entaun ema seluk maka sei aproveita hodi goza ukun rasik an ne’e.

Iha dialogu SETP responde mós prekupasaun komunidade sira nian kona-ba ema sira ne’ebé maka naran la ejistte ona iha suku laran maibé nia sei ba fa’an rai iha suku ne’ebá, Jaime husu ba komunidade sira hodi labele fa’an rai arbiru, selae sei estraga jerasaun sira nia futuru. Tanba ne’e nia mós husu ba komunidade sira di’ak liu rai fó aluga deit, selae ema ne’ebé maka sosa seifa’an fali iha loron ikus ho folin ne’ebé maka aas.

Nia mós hateten, bainhira estadu maka tama hosi foti komunidade sira nia rai ba intrese komun estadu sei fó indiminizasaun tuir artigu 54 Konstituisaun RDTL sesaun tolu ne’ebé maka hateten, bainhira estadu foti rai rai sidasaun sira nian ba intrese ema hotu nian estadu sei fó indiminizasaun tuir lei haruka, dehan Jaime.

Iha fatin hanesan Sekretáriu Estadu Juventude Desportu Leovilgildo da Costa Hornain, mós husu ba joven sira hodi labele hamosu tan konflitu iha futuru, bainhira mosu tan problema husu ba seguransa hosi labele fo toleransia.

Iha biban ne’e nia mós promote ba joven sira sei hadi’a kampo futebol nian iha lisadila no sei fó mós apoiu ruma hodi bele kria turneu ruma iha 28 de Novembru 2016 oin-mai, turneu ne’e sei konvida suku vizinu hosi postu administrativu Hatolia Munisipiu Ermera no suku vizinu sira hosi Postu Administrativu Cailaco Munispiu Bobonaro.

Prosesu simu malu ne’ebé maka hahuu ho asina deklarasaun hapara konflitu no intrega kro’at inklui mós simu malu liu hosi asaun dame ne’e hosi familia vitima ezize ba parte seguransa liu-liu Polisia Nasioál TImór-Leste nian hodi bele prosesu suspeitu sira tuir lei ne’ebé maka vigór ona iha nasaun Timór-Leste.

“Ami pronto para atu simu familia sira hosi suspeitu nian tanba ami mesak hosi lisan ne’ebé hanesan, maibé ba hahalok krimi no sira ne’ebé maka halo krime hasoru ami nia oan tenki prosesa tuir dalan justisa nian, ne’e maka ami familia nia hakarak.” Tenik familia hosi vitima.*