PRAÇA DE COMÉRCIO, MJ – S.E. Ministru Justisa Timor-Leste Ivo Valente ho kualidade hanesan Prezidente Konferénsia Ministros da Justiça Paíz sira Lingua Ofisiál Portugés (CMJPLOP) halo abertura ba Reuniaun Segundu Pontus Kontatu Redi Judisiária CPLP iha Pousada de Lisboa, Praça de Comércio Lisboa - Portugál, loron Kuarta-Feira (20/04/16).

Iha nia diskursu abertura, Prezidente CMJPLOP Ivo Valente hateten, “reuniaun ba Redi Judisiáriu ne’e importante, tanba ferramenta progresivamente ba kontrusaun komum judisiáriu nian ba Komunidade Paíz sira Lingua Portugés.”

“Importante tebes reuniaun ida ne’e, hodi diskute no loke kolaborasaun ba realizasaun Konvensaun tolu depois ita selebrada iha tinan 2005; nomeadamente, Estadu-Membru Konferénsia Ministros da Justiça Paíz sira Lingua Ofisiál Portugés tenke implementa Convenção de Auxílio Judiciário em Materia Penal, Convenção de Extradição entre Paíz CPLP no mós Convenção sobre a Transferência de Pessoas Condenadas hodi empeña dinamizasaun Redi Judisiáriu CPLP, no oinsá aplika mekanismu propiu hodi atribui maior utilidade,” hateten Prezidente Ivo Valente.

Relasaun ho kooperasaun sira, Prezidente Ivo husu atu halo aproximasaun ho Redi Lusófona, no redi sira seluk.

“Presiza halo aproximasaun ho Redi Lusófona no redi sira seluk tán, no iha loron hirak mai ita sei asina Momorando de Entendimento ho Conferência de Ministros da Justiça dos Países Ibero-americanos (COMJIB), ne’e sei loke dalan ba artikulasaun entre Rede Ibero-americana de Cooperação Jurídica Internacional (IberRed) no ita-nia Rede Judiciária da CPLP,” dehan Prezidente Ivo Valente.

Iha abertura solone ne’e, Prezidente Ivo mós koalia kona-ba finansiamentu Redi Judiciária CPLP nian, programa no mekanismu administrasaun Sekretariadu Permanente Konferénsia Ministru Justisa, no mós disponibilidade apoiu nesesáriu hosi Timor-Leste nu’udar Prezidénsia ba Konferénsia CMJPLOP nian.

Marka prezensa iha reuniaun ne’e mak Pontu Kontatu Redi Kooperasaun Jurídika no Judisiária Internasionál Paíz sira Lingua Portugés; Timor-Leste, Angola, Brazil, Guiné-Bissau, Cabo Verde, Moçambique, Potugál no São Tomé e Príncipe.