DILI–Diretór Nasionál Direcção Nacional Direitos Humanos e Cidadania (DNDHC) Flaviano Moniz Leão nu’udar oradór ida ba semináriu Lei Umanitáriu Internasionál, ba estudante universitáriu sira iha Universidade Paz (UNPAZ) no Universidade Dili (UNDIL) foin lalais ne’e hosi loron 23 áte 26 fulan-Fevereiru 2016 iha Dili.

Semináriu ba estudante universitáriu ne’e realiza tanba kooperasaun servisu entre DNDHC Ministériu Justisa ho Kruz Vermela Internasionál–International Committee of the Red Cross (ICRC).Objetivu semináriu ne’e mak atu fahe informasaun kona-ba Lei Umanitáriu Internasionál ne’ebé parte hosi Konvensaun Jenebra tinan 1949 hodi halo protesaun ba vítima sira iha funu laranem kazu konflituarmadu no sívil,tantu nasionál no internasionál.

Aliénde fahe informasaun, nu’udar meius kapasitasaun adisionál ba estudante sira para iha kuiñesimentu ba Konvensaun Jenebra relasaun ho Lei Umanitáriu Internasionál.

Diretór DNDHC Flaviano Moniz Leão iha ninia intervensaun heteten, “Ita-nia Estadu ratifika ona Konvensaun Jenebra iha tinan 2003, ho nune’e Estadu iha obrigasaun hodi implementa konvensaun ida ne’e, parte ida mak ita hala’o dadaun ne’e, hala’o diseminasaun informasaun ba sidadaun sira-hotu, inklui estudante universitáriu sira hodi hatene konteúdu hosi konvensaun ne’e rasik, konsiénte ho direitu fundamentál sira iha kazu konflitu armadu no sívil.”

Momentu semináriu iha UNPAZ, reprezentante Reitór hato’o nia-apresiasaun ba Ministériu Justisa ho Kruz Vermela Internasionál ne’ebé mak hala’o semináriu ba estudante universitáriu sira.

“Ho semináriu ida ne’e, nu’udar meius formasaun extra ba estudante sira em relasaun ho Lei Umanitáriu Internasionál, lei ida ne’e fó valór hodi dignifika vida umanu iha mundu dezde uluk áte ohin loron, ho referénsia importante ne’e, ha’u husu atu estudante sira-hotu tuir to’o remata no wainhira duvida husu ba oradór sira,” hateten reprezentante Magnifíku Reitór UNPAZ.

Iha sorin seluk, semináriu hanesan iha Universidade Dili (UNDIL) iha sesaun abertura Vise-Reitór, Dr. Alarico M. Tilman hateten, “ami sente kontente Ministériu Justisa organiza sesaun Lei Umanitáriu Internasionál ba estudante sira, ne’e meius kapasitasaun informal, no importansia atu nune’e ita hatene klaru valor no normas internasionál relasionadu ho protesaun ba ema.”

Semináriu ne’e involve oradór sávi hosi Kruz Vermela Internasionál Indonésia no Assessora Jurídiku Rina Rusman, Diretór DNDHC Flaviano MonizLeão, Espesialista Komunikasaun noEis Dosente Lei Universidade Trisakti IndonésiaKuchantoro.Prosesu diskusaun fasilita hosi Tékniku Superiór DNDHC, Carmelindo da Silva Caetano.

Hafoin remata semináriu, Kruz Vermela Internasionál fóplaka no livru ba universidade sira, no iha tempu mak hanesan troka mós prezente ba malun ho tara tais.

Carmelindo da Silva Caetano
Tekniku Superior Divulgasaun
DNDHC – Ministériu Justisa