Dili-Defensoria Publiku Jeral Sergio Hornai aprezenta relatoriu vizita trabalhu iha fulan kotuk liu ba iha Brazil,no Mosambique,ba Prezidente Konselhu Superior Majestradu Defensoria Publiku atual Ministru Justica, Dionisio Babo,iha vizita trabalhu neé atu hametin tan koperasaun diak entre Defensoria Publiku Jeral Timor Leste ho Defensoria Publiku Brazil.
Dili-Prezidente Konselhu Majestradu Defensoria Publiku atual Ministru Justica,Dionisio Babo halo reiniaun ho Membru Konselhu Defensoria Publiku hodi halo avaliasaun ba servisu Defensoria Publiku nia durante neé,reiniaun neé halao iha Edifisiu Defensoria Publiku Jeral Maskarinha,Dili Sexta (29/08).
Kuala Lumpur. Durante loron 3 nia laran (27-29 Agusto 2013), halibur hamutuk iha Kuala Lumpur, Malaysia, reprezentante sira husi Governo, instituisaun justisa nian (Juiz no Advogados) nomos Instituisaun Nasional Direitus Humanos husi nasaun sira iha regional ASEAN atu diskuti nomos esteblese indikator sira konaba Feto nia Asesu ba Justisa tuir prinsipiu konvensaun CEDAW nian.
Edifiçio Ministeriu Justiça, Vise Ministru Justiça Ivo Valente simu visita Delegasaun nain 4 husi Agencia koperasaun Brasileira (CAPES) iha salaun enkontru Ministeriu Justiça dia 28/08/2013, Delegasaun nebe mai ho ambito koperasaun hodi konkretiza servisus nebe Vise Ministru Justiça Ivo Valente halao ba Brasilia kapital brasil iha fulan Julho tinan 2013 liu ba.
Prizaun Bekora,Dili, Vise Ministru Justiça Sr. Ivo Valente entrega oficialmente e simbolikamente uniforme ka farda no atributos hamutuk 18 ba Guarda prizional iha Centru Detensaun ka prizaun Bekora Dili, ohin, marka presenca iha cerimonia nee, Director Geral Ministeriu Justiça Director Nasional ba Prizaun, chefes estabelesimentu guarda prizaun Bekora no Gleno, hamutuk ho Sosiedade sivil ( Rede servisu ba rai), hanesan representantes husi instituisaun estadu balun hamutuk ho Igreja, loron 28 Agusto 2013.
Dili-Governu Liu husi Ministeriu Justica iha ona politika foun atu bele regula ba ema ne’ebe atu sai juiz tenke iha esprensia servisu iha Ministeriu Publiku,ho Defensoria Publiku mak foin atu bele sai Juiz.Tuir Ministru Justica,Dionisio Babo hateten katak Ministeriu Justica,iha ona politika foun atu bele kria lei ida hodi regula ba ema ne’ebe hakarak atu sai juiz tenke iha sprensia servisu ne’ebe naton liu-liu servisu iha Ministeriu Publiku ho Defensoria Publiku kleur mak foin bele sai Juiz.
