MJ Kria Enkontru ba Ejikusaun Orsamentu ho Diretores Iha Ministeiru

MINISTRA Justisa, Lúcia Maria Brandão Freitas Lobato, Kinta (1/7) foin lalais ne’e halao enkontro ho diretores Ministeriu nian hodi deskute konaba ejikusaun ba orsamentu reatifikativu ne’ebé mak aprova husi Parlamentu Nasional (PN).

Ministra kria enkontru ho diretores ne’e atu haree oinsa implementasaun ba orsamentu reatifikativu ho nia total US$800.000,00 (Rihun atus Walu-red) ne’ebé iha tempu badak sei aprovadu.

Enkontru ne’ebé halao iha Salaun Ministeriu Justisa nian kinta-feira ho diretores sira ne’e deskute liu konabá planu ne’ebé sei inplementa no haree mos ba obras balu ne’ebé remata ona iha tinan 2009 maibe seidauk selu.

Nune’e Ministra ho diretores sira mos deskuti konabá planu ba implementasaun orsamentu reatifikativu ne’ebé sei aprova iha PN.

Tuir ministra, ba tinan ne’e hanesan tinan ne’e atu hadia failansu ne’e akontese iha tinan 2009.

Enkontru ne’e atu haree konabá ejekusaun orsamentu, no planu annual ne’ebé mak implementa Durante tina ne’e nian, ho nune’e hato’o mos ba diretores sira hodi bele hanoin ona konabá planu annual 2011 tinan oin. Maibe oras ne’e, tuir ministra sei presta atensaun ba implementasaun orsamentu 2010 nian.

Reuniaun ne’e mos tuir ministra atu haree konaba obra sira ne’ebé mak hala’o ona iha 2009, maibe nia bele obriga hodi halo pagamentu iha tinan 2009 nian tanba obra seidauk remata iha tinan refere.

“Hanesan ita hotu hatene katak, governu so bele selu obra sira ne’e so wainhira orba sira ne’e remata ona no entrega ona ba governu,” Lucia hateten.

Orsamentu reatifikatu ne’ebé sei aprova husi PN iha tempu badak ne’e sei aloka mos balu ba iha gabinete vice Ministru Justisa nian ne’ebé la kleur tan sei nomeia husi Primeiru Ministru, nune’e orsamentu jeral 2010 nian, Ministeriu justisa implementa ona prosentu 46 (46%), tenik Ministra.*

Ananias Babo Horta
Media Officer Gabinete Ministra Justisa