Ministru Justisa Dr. Tiago Amaral Sarmento ho Ministru Asuntu Parlamentar no Komunikasaun Sosial, Francisco Jeronimo akompaña Primeiru Ministru, Jeneral Taur Matan Ruak re-ativa Clinica Coração no inagura projeitu saúde hanesan Armazén medikamentu nian, Sala Izolamentu, Laboratóriu no Banku de sangue, RAEOA, Tersa (29/11).

RAEOA, MJ: Tersa-feira (29/11) semana ne'e antes husik hela Rejiaun espesial Oecusse - Ambeno hodi fila-hikas ba kapital Dili, Primeiru Ministru, Jeneral Taur Matan Ruak ho Ministru Justisa, Dr. Tiago Amaral Sarmento halo reativasaun ba Clinica do coração ao mesmu tempu halo mós inagurasaun ba Projeitu Saude Armajen Medikamentus, Isolamentu Laboratorium no Banco de Sangue iha RAEOA.

“Ha’u kontente loos bele partilla momentu ida ne’e ho ita boot sira inaugura infraestrutura sira ne’e, i ha’u nia pedidu ba profisionál saúde sira para uza másimu posivel rentabiliza nia uzu, konserva didi’ak para bele kontinua iha kbiit nafatin tau matan ba ita nia sidadaun sira. ” hateten Primeiru Ministru.

Ha’u hatene katak iha Ministériu da Saúde em prinsípiu nia filosofia maka prevene la’ós kura, entaun prevene la’ós kura ne’e signifika inklui mós edukasaun ba ita nia sidadaun sira oinsá sira tau matan ba sira nia saúde hahú kedas husi kiakoan to’o boot mas karik nia moras ate porque ohin loron barak ké afeita mundu inklui Timor, karik akontese ida ne’e ita iha kedas fasilidade ne’ebé fó kbiit hakbiit profisionais sira para halo atendimentu.

“Ita nia mehi mak ne’e envés ita haruka ita nia ema ba li’ur, ita bele simu fali ema iha ita nia rain, ha’u la hatene ida, Sr. Diretór, médiku jerál saúde, ita boot sira bele ka lae? ne’e dezafiu ida, dezafiu ida ne’e mós hatudu ambisaun liu-liu motivasaun atu halo nusa mak transforma ita-nia sistema saúde iha ita-nia rain um dos melhores iha rejiaun ida ne’e, ida ne’e mak ha’u nia mehi, ha’u nia mensagem” PM tenik.

Primeiru Ministru, Jeneral Taur Matan Ruak akompaña husi Ministru Justisa, Dr. Tiago Amaral Sarmento ho Ministru Asuntu Parlamentar no Komunikasaun Sosial, Francisco Jeronimo foto hamutuk ho Prezidente Autoridade RAEOA, Arsenio Bano, Dotor no mediku sira iha Clinica Coração, RAEOA, Tersa (29/11).

Ikus Xefe Governu agradese ba kompañia sira ne’ebé halo ona obra refere, husu atu importante mantein kualidade tanba obra refere benefisia ba atoni oan sira.

Hafoin remata serimónia, Xefe Governu hamutuk ho Ministru Justisa, Dr. Tiago Amaral Sarmento no Ministru Asuntu Parlamentares no Komunikasaun Sosiál, Francisco Martins da Costa Jerónimo no ekipa kontinua regresu mai Dili via Wini-Mota Ain-Indonézia.

29 Novembru 2022
#Media_Gabinete_MJ