MINISTRU JUSTISA PARTSIPA ABERTURA FETIVÁL MÚZIKA NO KULTURA IHA ATAURO

Ministru Justisa partisipa iha kalan abertura ba Festifal Muzika no Kultural Atauro, iha munisipi foun atauro, Segunda (20/11).

Atauro, MJ: Segunda-feira (21/11) loraik ne’e, Ministru Justisa Dr. Tiago Aaral Sarmento ho ekipa dezloka ba Munisípiu foun Atauro hodi partisipa iha abertura ba ”festivál múzika no kultura ne’ebé organiza husi Gabinete Primeiru Ministru no Prezidensia Repúblika, iha Munisípiu foun Atauro.

Festivál Atauro ne’ebé hala’o durante loron hat (21-24/11) ne’e ho objetivu importante lima hanesan :

  1. Esplora identidade kultura Turizmu Timor nian;
  2. Promove no proteze Kultura nu’udar identidade Uniku Timor-Leste nian, ne’ebé bele atrai turista rai laran no rai liur;
  3. Hasa’e kreatividade Joven Timoroan nian iha area;
  4. Halo Sosializasaun identidade kultural ba jerasaun foun no;
  5. Promove paz no Unidade Nasionál hodi proteze Imajen Paz iha Mundu.

Primeiru Ministru, Jeneral Taur Matan Ruak, akompana husi Membru Governu sira halo abertura ba Kurida Bero iha eventu Festifal Muzika no Kultura Atauro, Tersa (22/11).

Festivál ne’ebé mai ho konseitu prisipal tolu mak hanesan Konkursu, Atividade no Kompetisaun ho ninia deskrisaun hanesan turi mai :

  • Konkursu, Dezafiu abertura, poema pintura no múzika koremetan.
  • Atividade : Múzika instrumental, soru tais, aihan tradisional no internasional (Gastronomia), hamatak Ilha Atauro, expo pintura, Dansa kultural, filme dokumentariu, hamatak ilha Atauro.
  • Kompetisaun : Kurida bero, Nanin Taru, halai sae foho no kurida bisikleta, poema

Eventu ne’ebé tuir ajenda sei hala’o durante loron hat refere partisipa husi Prezidente Repúblika, Dr, Jose Ramos Horta, Primeiru Ministru, Taur Matan Ruak, Prezidente Tribunal Rekursu, Dr. Deolindo dos Santos, Chefe Estado Maior Falintil , Tanente Jeneral Falur Rate Laek, Deputadu sira, membru Governu no korpu diplomatiku sira.

Aleinde ne’e hetan mós apoiu no partisipasaun husi Ministériu Turizmu Komérsiu Indústria, Sekretariu Estadu Arte no Kultura, SEKOMS, Sekretariu Estadu Protesaun Sivíl, Ministériu Saúde, Ministériu Administrasaun Estatál (MAE), Cruz Vermelha de Timor-Leste, Universidade sira reprezentante husi Munisipiu 13 sira seluk inklui komunidade husu suku sr aiha Atauro laran tomak.

Hafoin abertura iha Segunda-feira (21/11) kalan, iha Tersa-feira dader hahu ho kompetisaun kurida Bero.

22 Novembru 2022
#Media_Gabinete_MJ